炎夏養生法│祛濕必食火鍋 ＠Dining娜
Photo：Barry
吃辣又點只限於冬天，香港嘅夏天潮濕又悶熱，食一點辣有助祛濕、驅風。香港人一年四季都鍾意食 火鍋 ，食麻辣鍋就最啱！不倒翁嘅成都麻辣田雞鍋，用料十足兼地道，食完有消除濕氣同散寒功效，最啱經常出入冷氣間嘅朋友，食完出一身汗，個人舒服晒！
麻辣 火鍋 必食絕配
不倒翁嘅成都麻辣田雞鍋，選用多種來自四川嘅食料、香料，包括辣椒、花椒、乾辣椒、紅椒、京葱、蒜頭等，再加入四川地道秘製湯包製成，四川風味濃郁突出。辣度方面，師傅特別調校至適合港人嘅標準辣度，口味適中，食完有助驅除體內因潮濕或經常出入冷氣間嘅濕氣同寒氣，適合夏天食用。
麻辣鍋可選配田雞或雞，嫩滑雞肉吸盡湯底精華，滋味！另外，店主洪哥推介配肥牛、黑毛豬亦相當夾，麻辣湯底滲透紅肉，兩者霸道的味道夾得來又有層次。此外，不倒翁嘅泰式冬蔭功鍋、秘製沙爹鍋、日式咖喱海鮮鍋，亦屬人氣辣鍋熱選。
用四川辣椒、花椒、乾辣椒、紅椒等炮製，麻辣味道特別調校合港人口味，但同時保留四川風味，係不倒翁嘅熱賣辣鍋之一。
肥牛最適合配濃郁湯底，脊位油花尤其甘香均勻，灼後牛味依然濃郁，配麻辣鍋更能吸盡麻與辣嘅精華。
店主推介今期必食海鮮
除咗肥牛、黑毛豬，靚海鮮都係不倒翁嘅必食！因為洪哥同多間活海鮮供應商熟稔，可以預留時令稀有海產，所以經常供應不同品種又上乘特別嘅海鮮。今期洪哥推介來自澳洲嘅馬來西亞龍蝦、象拔蚌、貝殼類、桶蠔等海鮮，味道鮮甜而且肉嫩彈牙， 火鍋 品嘗都食到十足新鮮度。
由於食店自設魚缸，海產新鮮到店後即放入魚缸，無論火鍋海鮮配料、蒸炒海鮮，抑或刺身，都係即叫即劏。今期柯打$788刺身拼盤，仲會送2支生力啤，$1,388則送4支，食住麻辣鍋邊歎啤，感覺超爽！
一般選用3斤重嘅龍蝦，啖啖肉之餘，肉質彈牙鮮甜，刺身或火鍋食均可，當然亦可以兩食。
海鮮即叫即劏，上枱時非常新鮮，蟶子、海杉斑、加拿大頂級象拔蚌，都係上乘靚貨，海鮮迷必點！
火鍋 以外惹味之選
一邊打邊爐，又想轉轉口味，不倒翁嘅避風塘同椒鹽菜式一樣有鑊氣，例如椒鹽鱔球、避風塘茄子，好多人都鍾意點，貪佢辣辣地，夠晒香口惹味，佐酒一流！
用新鮮鱔炮製，炸後仍然鮮香惹味。
茄子炸到外皮香脆，但茄子肉仍然嫩滑爽口，佐酒最啱。
不倒翁中日火鍋料理
尖沙咀店：彌敦道63號iSquare國際廣場23樓（2152 1166）（顯示地圖）
佐敦店：佐敦道23-29號新寶廣場2樓（3526 0918）（顯示地圖）
銅鑼灣店：勿地臣街1號時代廣場食通天11樓1101號舖（3102 9363）（顯示地圖）
備註：設加一，收現金及信用卡。
