2017 澳門光影節聖誕燈飾 3 大必睇推介@TRAVEL佳

Dec 15 2017

（Presented by 澳門特別行政區政府旅遊局）

年年聖誕都去尖沙咀海傍倒數，計我話今年去澳門過聖誕仲好feel！澳門12月搞咗個「2017 澳門光影節 – 愛滿全城‧愛在路上」，除咗有過百本地創作人精心準備嘅光雕表演，仲有浪漫嘅燈飾包圍澳門８個著名景點，有埋互動遊戲玩𠻹！即睇3大必睇光雕景點推介～

澳門光影節 3大必睇

今年澳門光影節比過去兩年更盛大，光影節以大三巴牌坊為中心，延伸出三條路線，分別係議事亭前地、聖安多尼教堂以及望德聖母堂，合共8個展演場地；仲有光影視覺藝術展、戶外本土音樂會及戶外電影放映等。節目咁豐富又有勁多影相靚位等緊你，快啲出發喇！

1. 大三巴牌坊

大三巴牌坊嘅光雕表演以“愛之無界”為主題，配合本地原創背景音樂，仲結合互動遊戲俾遊客參與投影創作！

2. 望德聖母堂

望德聖母堂嘅“仁慈博愛”光雕表演帶領大家穿越歷史時空，有表演睇又可以認識澳門文化，又幾好喎！

3. 聖安多尼教堂

4. 情侶必睇！彩燈花海

互動App有齊景點位置

今年的澳門光影節特別加強互動元素，推出手機App等大家可以同多個燈飾裝置及景點大玩互動遊戲。App內仲有各個光影景點位置、表演時間和交通資訊等實用資料，記得去App Store (https://goo.gl/NX5mF9) 及Google Play (https://goo.gl/Z6vPE6)免費下載喇～

同場加映：澳門本地品牌市集！

我都話今年去澳門過聖誕最好feel，12月澳門除咗有光影節，仲有《2017澳門購物節》！12月15至25日喺壹號廣塲海濱長廊舉行嘅「精美澳門」精選出50個澳門本地品牌，集合本土特色美食、工藝文創產品、攤位遊戲以及現場表演，唔好錯過喇！

即日起至12月31日去澳門消費滿澳門幣500元仲可以玩埋「全城購物大抽獎」，禮品總值超過澳門幣850萬，大獎包括iPhone 864GB、銀聯預付卡5,000元、AJ Hackett免費笨豬跳套票禮券等等，好吸引喎！一於買多幾盒手信參加抽獎啦～今年澳門購物節仲有其他大抽獎，想知多啲可以上佢地網站睇下啦(https://goo.gl/a6Bqu2) ~