TOP 10！當造漁農產品 X 本地漁農美食嘉年華 @MISS SUNNY

就嚟踏入2019豬年農曆年，有咩盛事？Miss Sunny咁為食，盛事梗係2019年第一餐聚會飯啦！難得努力默默耕耘咗一年，點都要食好啲獎勵自己，迎來更好嘅一年啦。今次就帶大家直擊，本地10大最當造漁農產品，拎定貼士煮餐正菜開心share！記得留意文末，會有本地漁農美食嘉年華，畀你一次過掃貨準備過冬！

10大精選！當造漁農產品！

1：清甜菜心

菜心夠正氣，不寒不燥，一家大細都啱食。冬天品種生長時間雖然較長，但糖份較多，尤其莖底爆口嘅菜心，名副其實甜到爆！

2：新鮮西洋菜

西洋菜要揀啲莖短，望落夠挺身，深綠色而且菜葉濃密嘅就very good啦！

3：鶴藪白菜

粉嶺舊時有隻鶴藪白菜，已經喺香港失傳咗好耐，好彩經過本地菜農同漁護署嘅努力，終於再次純化同培植成功！

4：新鮮甘筍

新鮮甘筍口感爽脆，啱晒做前菜沙律，仲含豐富胡蘿蔔素，食得多對眼都精靈啲！

5：爽甜車厘茄

車厘茄低卡又抗氧化，女神們擺定喺公司，口痕當小食一流！

6：本地新鮮蠔產品

比起夏天，踏入冬季嘅蠔產品更加肥美，肉質非常飽滿而且帶有光澤，用薑葱嚟煮最啱餐！

7：肥美烏頭

啱啱捉嘅新鮮烏頭，眼睛烔炯有神，夠晒精靈，魚嘴同魚鰓都係鮮紅色，簡單用鹹檸檬蒸已經好好食。

8：肉多骨少寶石魚

原產於澳洲昆士蘭，肉多骨少，小朋友同懶人嘅恩物！仲含多元不飽和脂肪酸，有益又好味！

9：生猛沙巴龍躉

沙巴龍躉嘅肉質嫩滑，無論清蒸、紅燒或炒球都得，煮法選擇都好多。

10：鮮甜帶甘黃鱲䱽

新鮮黃鱲䱽，識食一定係做封煎，慢慢煎鎖住啲肉汁，外層香脆，魚肉就軟滑。

掃貨時間！Mark實本地漁農美食嘉年華

講咁耐，要有正菜食，始終都要有新鮮來貨嘅！本地漁農美食嘉年華籌委會、蔬菜統營處仲有魚類統營處舉辦咗個集合美食、優質漁農產品嘅嘉年華會。除咗有以上食材，仲會有本地新鮮蔬果、鮮花、廚具、家品等等，記得mark低以下日期拖埋媽媽一齊去啦！

2019 FARMFEST本地漁農美食嘉年華

Facebook：本地漁農美食嘉年華
日期:2019 年 1 月 4至 6 日
地點:旺角花墟公園
免費入場