消費券6大支付平台大比拼｜WeChat Pay HK覆蓋最多商戶？分析各平台消費上限/ 喺日常生活嘅應用
比較覆蓋商戶/ 日常生活應用/ 消費上限 一個表睇清各平台優勝之處
經過上兩輪消費券，相信大家對各個平台都十分熟悉，不過今次除咗WeChat Pay HK、八達通、AliPayHK、Tap & Go 「拍住賞」外，政府仲加入咗PayMe from HSBC、BoC Pay畀大家領取消費券。
雖然呢幾個平台嘅使用方法都十分方便，好多都透過手機App就可以完成付款就得，但實際上都各有優勝之處！難得今次政府允許大家轉電子支付平台，不如重新考慮下自己有冇需要轉會啦！下面特別為大家整咗個表，等大家可以喺覆蓋商戶、日常生活應用、消費上限呢3方面作比較，揀出最啱用嘅平台：
| 消費券平台大比拼2022 | ||||||
| 平台 | WeChat Pay HK | 八達通 | AliPayHK | Tap & Go 「拍住賞」 | PayMe from HSBC | BoC Pay |
| 交易方法 | 手機App | 手機App/ 八達通實體卡 | 手機App | 手機App/ Mastercard/ 銀聯預付卡/ Apple Pay | 手機App | 手機App |
| 覆蓋商戶 | 超過15萬 | 超過15萬 | 超過10萬 | 超過10萬 | 超過3.4萬 | 超過7萬 |
| 消費上限 | 使用消費券時不設消費限額 | 八達通卡儲值限額最高為HK$3,000 | 使用消費券時不設消費限額 | 使用消費券時不設消費限額 | 使用消費券時不設消費限額 | 使用消費券時不設消費限額 |
| 日常商戶例子 | IKEA, 大快活, 惠康, 萬寧, 7-11, 一田, AEON, Citysuper, HKTVmall等 | IKEA, 大快活, 惠康, 萬寧, 7-11, 一田, AEON, Citysuper, HKTVmall等 | 大快活, 惠康, 萬寧, 7-11, 一田, AEON, Citysuper, HKTVmall等 | IKEA, 惠康, 萬寧, 7-11, 一田, AEON, Citysuper, HKTVmall等 | IKEA, 萬寧, 7-11, HKTVmall等 | 惠康, 萬寧, 7-11等 |
*資料截至2022年6月7日，取自各電子支付平台官方網站，及相關商戶網站。
【比較1：覆蓋商戶】 WeChat Pay HK/ 八達通覆蓋最多商戶
可領取消費券的平台是否實用，對唔少精明嘅消費者十分重要，先從覆蓋商戶為大家作比較。
喺咁多個平台入面，WeChat Pay HK同八達通嘅覆蓋商戶超過15萬，其次係AliPayHK、Tap & Go 「拍住賞」，佢哋嘅覆蓋商戶都有超過10萬。而BoC Pay嘅覆蓋商戶超過7萬；PayMe from HSBC就有超過3.4萬。
【比較2：消費上限】WeChat Pay HK/ AliPayHK較易用於購買奢侈品
消費券有足足HK$5,000咁多，相信唔少人都會選擇用嚟買平時手緊買唔到嘅奢侈品。但要留意唔係所有平台都可以一次過用晒呢HK$5,000。不過如果大家用WeChat Pay HK，就可以一次過用晒啲消費券，仲可以去Tiffany & Co.、CHANEL、LV等名牌店買首飾、靚袋。
現時市面上大部分名牌店舖都接受客戶用WeChat Pay HK、AliPayHK付款，建議大家預先增值，確保電子錢包有足夠嘅資金買名牌！講咗咁耐，其實都係想提大家喺領取新一輪消費券之前，諗清楚自己想用嚟買咩，以免攞咗之後發覺買唔到，令自己失望。
【比較3：日常生活應用】WeChat Pay HK/ 八達通/ AliPayHK/ Tap & Go有助日常使用
相信大家喺派發上兩輪消費券嘅時候，已經買咗唔少心頭好，如果你已經諗唔到買咩，不如用呢筆錢嚟幫補日常生活啦！
上面都有提及過，WeChat Pay HK同八達通嘅覆蓋商戶比較多，而AliPayHK、Tap & Go亦緊貼其後。其實呢4個平台相對上都覆蓋較多日常生活嘅商戶，大部分超市如惠康、萬寧、一田、AEON、Citysuper、HKTVmall等；便利店如7-11等都可以用呢4個平台付款。
不過如果咁啱大家都想為屋企添置一啲家具，想去IKEA買嘢，就要特別留意！因為IKEA唔係全部平台都接受㗎，不過WeChat Pay HK嘅用戶就唔使擔心，因為你絕對可以用WeChat Pay HK去IKEA付款！
【總結】WeChat Pay HK適用於日常生活+大額消費 仲可以做善事
總括嚟睇，唔同電子支付平台都有各自嘅優勝之處，如果大家未諗定用邊個電子支付去攞嚟緊嘅HK$5,000，可以考慮用 / 轉會WeChat Pay HK，因為WeChat Pay HK唔止覆蓋最多商戶，仲方便日常生活使用，又可用於大額消費，大家可以慢慢諗點用消費券，唔使受咁多限制。
值得一提，用WeChat Pay HK仲可以順便做埋善事！WeChat Pay HK最近推出「日行一善」慈善活動，由即日起至2022年12月31日，用戶只要每日用WeChat Pay HK完成首筆消費，無論你係咪用消費券，都可以獲得一個公益印花，每個印花等於HK$1，大家可以選擇捐畀「惜食堂」、「香港單親協會」或「鄰舍輔導會」。
用WeChat Pay HK攞消費券 賺高達HK$630獎賞*
除咗夠晒實用同可以做善事外，喺WeChat Pay HK攞新一期消費券，仲有機會攞高達HK$630獎賞*，下面即刻為大家介紹！
活動一：齊齊攞高達HK$130加碼消費券*
新舊用戶透過WeChat Pay HK手機App進入「政府消費券」頁面，即可獲贈HK$30加碼消費券及1次抽獎機會！如果你成功揀咗WeChat Pay HK攞最新一期消費券，仲可以額外攞多4次抽獎機會，隨機抽中最高HK$88嘅加碼消費券，以及HK$10至HK$50嘅商戶電子現金券。
活動二：富融全新用戶額外享高達HK$500獎賞*
首次成功用WeChat Pay HK綁定富融銀行戶口個人賬戶，有機會額外攞多HK$200加碼消費券，以及額外200 WeFun回贈（1WeFun = HK$1）！至於現時已於WeChat Pay HK成功綁定富融個人賬戶的用戶都唔使擔心，你都有機會獲額外HK$30「加碼消費券」㗎！而富融客戶不論係咪用消費券，只要用WeChat Pay HK消費都可以同時賺取消費金額8%的WeFun微積分回贈（上限為100WeFun回贈），仲唔快啲趁今次轉會WeChat Pay HK！
又啱日常生活，又可以用嚟買奢侈品，仲可以做埋善事同賺豐富獎賞，一舉四得！一於快啲轉用WeChat Pay HK攞消費券啦！
為咗令大家享受更好嘅服務，各大電子支付平台都仍然做緊一啲微調，建議大家喺揀嘅時候，最好先留意返各大平台發布嘅最新消息！
(Presented by WeChat Pay HK)
*優惠受條款及細則約束。
