海洋公園 開運大團拜 5大必玩活動＠MISS SUNNY
南港島線正式通車，MISS SUNNY梗係戥住喺香港仔、鴨脷洲嘅朋友仔開心啦，不過最令我雀躍嘅，係以後可以搭港鐵直接踩入 海洋公園 玩，由金鐘站去到海洋公園站都係4分鐘，約friend或者一家大細去都方便好多！啱啱仲收到料，嚟緊由28/1至12/2海洋公園會搞開運大團拜，有一系列新年限定精彩節目，MISS SUNNY就精選咗5大必玩活動，睇完好約人喇！
1. 國際級魔幻匯演 最後encore
早前海洋公園搵嚟多位國際知名嘅魔幻大師同演員，打造集視覺幻象、雜技同舞蹈於一身嘅【超時空魔幻匯演】，以充滿科幻感嘅超時空舞台佈置，加埋LED背幕，上演雙人懸浮術、火籠逃脫、極速變裝絕技等魔術，MISS SUNNY有唔少同事、朋友睇完都話超正！見好評如潮，園方決定喺新春期間encore呢個重頭節目，不過聽聞喺香港最後一次公演喇，想睇就把握機會喇！
2. Selfie打鼓行大運
海洋列車站對開嘅海濱樂園廣場，將會變身「金雞迎春喜慶園」，有精美嘅迎春喜慶金雞佈置同花花大道「迎春喜連里」，超有新年氣氛，等大家可以行個大運兼瘋狂selfie、打卡；園內仲有風車鼓陣畀你敲鑼打鼓迎雞年，財神爺仲會喺「富貴滿屋財神殿」大派利是添（入面有優惠券同賀年糖果㗎！）！
3. 拜會海陸動物朋友
新年一定要去探訪「熊」運當頭嘅樹熊同大熊貓啦! 再去埋「尋鯊深秘」睇過百條鯊魚同鯆魚家族成員，玩互動遊戲學習鯊魚冷知識！
4. 夢幻水都美食區新登場
全新食尚水都美食區將喺新春期間登陸夢幻水都！你可以坐喺湖畔雅座，一邊享受靚靚湖景同柔和音樂，一邊歎住塔帕斯海鮮盤、岩鹽阿拉斯加長腳蟹同牛肋骨等招牌菜，仲有各式佐酒美食同甜品，休息一陣食飽飽又可以再玩過！
5. 智紛全年證 x 港鐵友禮會獨家優惠
由而家至2月28日，港鐵友禮會會員可享82折購買三張或以上全年入場證，南港島線通車後，幾時去都咁方便! 優惠詳情~
海洋公園 開運大團拜
日期：28/1至12/2
香港人優惠門票：
- 成人（12歲或以上）$385、小童（3-11歲）$193 *持票人必須於進場時出示香港身份證明文件以供核對。原價為成人$438、小童$219。優惠期至2017年2月28日。
- 3歲以下小童、持香港身份證或社署簽發之長者卡的65歲或以上本港居民、持「殘疾人士登記證」人士，以及持香港身份證的本港居民生日當天均可免費入場。
全新「海洋快證」：$250（大小同價）
自選7次特快通行服務，適用於指定機動遊戲及設施。
查詢：(852) 3923 2323
