機場shopping 迎聖誕 免費送貨 電子簽帳再送coupon @Travel佳
逢聖誕元旦呢啲大日子，好多人都同我一樣出門過節。你知喇，放假前公司特別多手尾要跟，又要趕住book酒店、book機票，到真正放假去到機場，入到大堂見到幾棵靚靚聖誕樹才突然省起：弊！未買齊禮物！唔怕唔怕，就算你同我一樣咁大頭蝦，上機前最後一刻都仲有得補救。乜你唔知呢排喺 機場shopping 好抵又好方便咩？等我慢慢話你聽！
聖誕期間由即日至12月27日，吉祥物仲會換上聖誕裝，喺禁區範圍四出同旅客影相。
嘩！粉紅色嘅鐵塔呀！快啲捉埋honey嚟selfie先。
機場shopping 名酒手信香水化妝品一站齊
機場多靚嘢，尤其係名牌，更加應有盡有，選擇多多。當中，我就有兩間心水舖要推介畀你哋，每次入禁區都要行下先安樂。第一間就係11月先進駐機場嘅Duty Zero，專賣靚酒，單一麥芽威士忌組合係亞太機場中最齊，仲有機場獨家售賣的限量版名酒，次次睇到我心郁郁；仲有香港特色手信，臨飛前嚟shop一轉，就唔會兩手空空飛去外國見朋友喇﹗
至於我老婆，就最鍾意行對面全新開幕嘅Beauty & You，貪佢品牌又多又齊，由香水到化妝品到護膚品都有，有時突然發覺帶漏塊mask，即刻補買，幾方便。唔止呀！連手錶、皮具同佩飾都有，揀小禮物送畀朋友就最啱！
電子消費滿五千港元 即送coupon
話時話，呢期喺 機場shopping 真係抵！即日起至2018年1月2日，喺指定商戶用電子簽帳購物滿5,000港元，就即刻送200港元機場現金coupon，可以用番喺機場嘅商舖同食肆。多買多送，如此類推，最多可以獲得15,000港元現金券，正呀！如果你用銀聯卡簽帳，仲額外再獎多啲𠻹﹗一於shopping完，再跟手食個大餐先上機喇！
有埋免費送貨服務 等你可以輕鬆上機
話你知，另一個我鍾意喺機場shopping嘅原因，係佢哋有免費送貨！買夠1,000港元，就可以享用免費本地送貨服務，去完旅行，返到屋企一開門，即刻有得用。又或者買夠2,500港元就可以送去澳門、中國內地、印尼、馬來西亞、菲律賓、新加坡、南韓、台灣、泰國、越南等亞洲地區。咁揀好禮物就可以寄畀住喺亞洲嘅親朋戚友喇﹗係咪方便先？
聖誕推廣活動優惠詳情：
| 消費滿 | 以任何電子貨幣消費 | 以銀聯卡消費 |
| 5,000港元 | 賞200港元機場現金券 | 額外賞50港元機場現金券 |
| 20,000港元 | 賞1,200港元機場現金券 | 額外賞100港元機場現金券 |
| 50,000港元 | 賞5,000港元機場現金券 | 額外賞200港元機場現金券 |
| 150,000港元 | 賞15,000港元機場現金券 | 額外賞600港元機場現金券 |
現金券換領專櫃：
換領時間：7am-11pm
換領位置 （一號客運大樓）：
- 第8層 離港層夾層（非禁區範圍，近翠華餐廳）
- 第6層 離港層東大堂（禁區範圍，1-19閘口，Tiffany & Co.對面，7am-12:30am）
- 第6層 離港層東大堂（禁區範圍，1-19閘口，Duty Zero，近周大福）
- 第6層 離港層西大堂（禁區範圍，40-80閘口，旅客服務中心）
- 第6層 離港層中場客運大樓（禁區範圍，201-230閘口，旅客服務中心）
- 第5層 離港層北衞星客運廊（禁區範圍，501-510閘口，近電腦上網區）
- 第5層 抵港層抵港大堂（禁區範圍，Duty Zero）
