機場禁區4大人氣食店推介！
無論工作出Trip定外遊，每次離港總係匆匆忙忙趕登機，又或者寧願買定零食乾糧上飛機醫肚，甚少悠閒地喺機場禁區細嚐一下呢度食店。香港國際機場一號客運大樓禁區內美食廣場嘅全新景象十分吸睛，仲有極具特色嘅米芝蓮推介食肆進駐添！仲可以去埋位於中場客運大樓嘅人氣打卡BITE&BITEWITH LINE FRIENDS，一邊欣賞飛機升降，一邊歎韓式美食，以後提早去機場寫意食飽飽，未出發先啟動美食大計都得啦！
機場其實係代表每個國家嘅第一印象，香港國際機場一號客運大樓禁區內美食廣場，舒適又夠開揚，當中食店各具特色，立即鎖定推介3間米芝蓮推介食肆，上機前率先觸動味蕾啦！
1.滿泰(Moon Thai Express)：地道泰式風味
同樣是米芝蓮推介泰國菜，無論是菜式製法、揀選食材、選擇香料，都係從泰國當地嚴選入口，加埋獨特傳統秘製烹調方法，一食就知係高質素泰國特色口味。
滿泰（Moon Thai Express）
地址：香港國際機場一號客運大樓（禁區）
24小時營業
2. 莆田：新加坡福建菜
來自新加坡並由2016年起連續三年榮獲新加坡「米芝蓮一星」推介食店，以福建中部嘅莆田菜特色做賣點，所有食材都夠健康天然，而且以新鮮地道食材為主，招牌必食有黃花魚燜飯、滷麵、扁肉米粉及煎包等，坊間少有。
莆田
地址：香港國際機場一號客運大樓（禁區）
24小時營業
3. 正斗粥麵專家：祖傳傳統中式粥麵
「正斗」係香港有名粥麵專家就不用多講，家族經營係香港四大雲吞麵世家之一，當然有其自家祖傳秘方製法；無論係用鴨蛋自家打成嘅麵條、用七成蝦肉同三成豬肉打成嘅雲吞，還是用大地魚熬成嘅靈魂湯底，都十分講究製作成一碗極有風味嘅「細蓉」。生滾粥為另一必食推介，每日用新鮮瑤柱煮成嘅極綿粥底，加埋爽脆生腸、嫩滑豬潤、爽口豬肚同彈牙肉丸，生滾煮成，每啖都又綿又香濃。
唔怪得連續10年入選《米芝蓮指南》－《車胎人推介》啦。
正斗粥麵專家
地址：香港國際機場一號客運大樓（禁區）
24小時營業
4. BITE&BITE WITH LINE FRIENDS：打住卡睇飛機升降
去中場客運大樓，就有LINE FRIENDS粉絲們潮聖必到地，大量極可愛１比１LINE FRIENDS打卡位，當然仲有LINE FRIENDS造型食品啦，包括BROWN & CONY熱香餅、BITE漢堡、飯同雞翼配薯條等等，仲可以一邊睇住飛機升降，一邊寫意咁品嚐美食，一於未上機先瘋狂集郵啦！
