本地或出國 升學問題 多籮籮！點揀先好？@MISS SUNNY

最近好多後生仔都好鍾意將「成功靠父幹」呢句說話掛喺嘴邊，Miss Sunny我就認為成功分好多種，揀到1個自己有興趣讀嘅科目或者1份自己熱中嘅工作其實都好有成功感！有本地/出國 升學問題 ？一齊睇下啦！

有 升學問題？自己問！

好多人會埋怨有時網絡上面太多資訊反而唔知點樣篩選，不如帶埋屋企人親身落場面對面自己問清楚仲好啦！貿發局嚟緊2月底(2月23-26日)會舉辦「第27屆香港貿發局教育及職業博覽」俾公眾免費參觀。

本地升學定出國增廣見聞？

1個場地已經襄括咗860間以上來自21個國家嘅機構，真係想搵咩資訊都有啊！展覽集齊咗香港以及世界各地嘅升學/職業進修資訊，有多國駐香港領事館同官方認可機構喺場內幫你解答疑問同提供意見。

最新求職資訊一樣有！

除咗滿足到你求知嘅慾望，連求職資訊都有提供埋啊。不單止有各類型嘅公、私營機構俾你選擇，連政府工都有啊！畢業後想揸「鐵飯碗」嘅朋友不妨去問清楚，了解一下自己係咪真係有興趣！

心儀行業知多啲

想入行但又唔知其實要做啲乜？今年香港貿發局推出4大「主題職業日」，由機電工程、創新科技、藝術、創業等領域嘅行內專業人士話你知未來行業需求同發展。仲有各界名人、企業都會出席同大家分享成功心得，包括青年事務委員會主席劉鳴煒、初創飲食企業「麥氏啤酒」。

「第27屆香港貿發局教育及職業博覽」

日期：2月23至26日（星期四至日）
地點：香港灣仔博覽道1號香港會議展覽中心（港灣道入口）
展覽詳情: https://goo.gl/c2Pd3R
活動詳情: https://goo.gl/F0fcjU