暑假必玩！賽車電競比賽+電競街機VAR BOX

今個暑假，德福廣場、青衣城同埋將軍澳PopCorn為大家帶嚟全港最大規模嘅暑期電競活動「盛夏電競大激鬥」，由而家至8月25日期間，可以大玩由本地專業賽車手研發嘅「超逼真」賽車模擬器，親身體驗飆車快感。想挑戰自己？仲可以參加賽車電競大賽，同其他車手一較高下，勝出車手仲可以代表香港參加大灣區賽車電競大賽，仲唔快啲搵埋至同道合嘅朋友仔一齊嚟練車？！

體驗車手滋味 一嘗馬路飛馳感覺

想成為專業級車手一啲都唔難，由Godzpeed自家開發嘅賽車模擬器，齊集電競遊戲同埋車手訓練兩大元素，模擬真實賽車操作，帶你體驗飛馳中環海濱賽道嘅極速快感！配合場內225吋超巨型屏幕、環迴頂級音效加埋其他電競配套設施，將實況直播喺巨型屏幕，等觀眾同玩家一齊同時打氣，氣氛超好！

預約登記: https://bit.ly/30l2895

本土VR電競盒「 VAR BOX 」感觀刺激感受

除咗賽車，德福廣場2期仲設有「VAR BOX」VR電競盒，集電競、街機、VR元素於一身，再配合「體感震動槍」，令遊戲真實感大大提高！難怪大人小朋友都爭住玩！

另外，如果想進一步加深對賽車嘅認識，咁就一定要參加STEM賽車主題工作坊，喺親手製作賽車過程中學習科學原理以及機械結構，完成後更可以喺賽車模擬器上體驗真實賽車，成為專業級小車手！

而家嚟德福廣場或PopCorn於指定商舖類別消費滿HK$800，即可參加「盛夏一擊即抽即中獎」遊戲，贏取過百萬電競或其他豐富獎品，獎品包括電競遊戲組合、潮流電子產品及最新家電等。獎品咁豐富，千祈唔好錯過呀！