【文博義工計劃2024】即睇申請方法+活動內容詳情！
新一年新目標！想秉持「助人為快樂之本」，並且接觸更多各式各樣嘅博物館活動，就一定要捉緊今次嘅機會啦！由康樂及文化事務署所舉辦嘅「文博義工計劃」於2017年成立，旨在鼓勵公眾參與文博項目，以及讓各具才華的義工成員發揮所長，貢獻社會，並藉此提升博物館服務。當中涵蓋3大範疇：藝術、歷史及科學，為大家提供精采嘅文化體驗。而家大家都有機會加入成為一分子喇！有興趣嘅就立即睇睇點申請啦：
義工服務內容
「文博義工計劃2024」今年三月起公開招募，計劃為期2年。服務內容範圍非常廣泛，有機會接觸唔同範疇嘅博物館工作及活動，趣味性十足！內容包括：進行意見調查及協助管理教育活動、支援大型活動（例如：香港博物館節、博物館高峰論壇等）、市場推廣（例如：擔任青年文化大使、於社交平台宣傳等）、接待博物館訪客以及涉獵專業範疇（包括文物復修、藏品或展品管理），能夠學習相關知識並汲取經驗！
過往參加者感言
「文博義工計劃」成立至今，亦有唔同年齡層嘅參加者報名參加；並向各位分享自己親身體驗：
「可以參與自己有興趣博物館活動，獲得知識，同時在施予服務和獲得正面回饋時，會感到自我價值的體現，心情愉快，一舉多得。」- 義工陳英慧
「能獲得博物館的最新資訊、善用餘閒、可以與青少年及不同年齡人士接觸、交流！」- 義工黃少芳
「得著是可收到新的博物館資訊及加深對一些事物認知，也可接觸不同階層人士，特別是對退休人士來說，從中可保持與社會聯繫，有機會學習一些新事物和與年青人共事。」- 義工黃康宜
申請資格
係咪心郁郁想參加呢？如果你已經年滿18歲或以上、平時鍾意與人溝通及樂於助人、並對博物館嘅工作有興趣就一定要報名喇！通過面試及訓練課程後，參加者將獲委任為義工，為康文署轄下博物館服務！
按此網上申請
記得mark實以下嘅報名日期，千祈唔好miss咗呢個機會啦！
報名日期：2024年3月1日至4月9日中午12時正
面試日期：將於2024年4月29日或之前個別通知獲面試機會的申請者
公佈結果：2024年5月-6月
按此到官網查看詳情
（Presented by LCSD）
圖片來源：LCSD
