《 我們相愛吧 》余文樂+周冬雨! 宇宙夫婦10個冧爆招數

《 我們相愛吧 》浪漫招數一：「14歲」愛之對話

最近網上見到嘅宇宙夫婦嘅「14歲」對話真係甜到漏！周冬雨問余文樂佢身材係咪唔好，話自己24歲但有著14歲嘅身材，余文樂一個神級回應：「沒事啊，我34歲的年齡，14歲的智商。」瞬間令周冬雨甜蜜融化。

浪漫招數二：半夜叫醒周冬雨！牙膏心心表愛意

係夏威夷嘅其中一日，余文樂半夜叫醒周冬雨，為嘅就係畀個surprise佢，更用牙膏係鏡上面畫個心。周冬雨見到，默默地加個心心表愛意，兩人嘅互動睇落簡單，但真係屬於佢地兩個人獨有嘅浪漫。

浪漫招數三：二人第一次共同睇日出

余文樂半夜叫醒周冬雨，就係為咗睇日出。片中二人更表示人生第一次睇日出，加埋余文樂攬住周冬雨嘅畫面，配埋個日出真係靚爆！

浪漫招數四：余文樂樂園包場玩木馬！逗周冬雨開心

去到香港迪士尼樂園，朝早因為人多所以無玩到旋轉木馬，搞到周冬雨唔開心。最後，睇睇下煙花余文樂自己走開為周冬雨製造驚喜，周冬雨就由卡通人物帶領之下去到無晒人嘅旋轉木馬，兩個人一齊玩一個屬於佢地嘅木馬。周冬雨仲係呢集主動伸手拖余文樂添呀！

浪漫招數五：周冬雨自製影片道歉

周冬雨生日，余文樂想有一個甜蜜嘅互動，但最後周冬雨突然離場拒絕了他，導致兩個人關係差。於是，周冬雨諗到用自製影片道歉，用手偶講出自己心底話，以一個戴住眼鏡嘅鴨仔代表余文樂，講返一路發生嘅事，最後更著住鴨仔裝出場，余文樂都覺得有點窩心。

兩人仲係微博上有甜蜜互動，余文樂Po咗個手機殻有果兩隻鴨仔嘅樣，周冬雨亦有作出回應，現實生活都sweet爆。

浪漫招數六：自製The Book of Answers！彌補以往遺憾

一本好耐年前大熱的書本，The Book of Answers，周冬雨突然話要拎出來玩。當時，余文樂問關於周冬雨之後會唔會真心對待呢段感情，結果得到一個「No!」，超傷心的。周冬雨為咗彌補遺憾，自己改哂本書啲字做Yes，自製一本The Book of Answers，製造一個滿意答案，亦因為呢個舉動，打動了余文樂。

浪漫招數七：玩真心話大冒險！余文樂借意了解周冬雨心意

余文樂係泳池邊放上蠟燭、紅酒，等待周冬雨嘅來臨，舉動夠哂浪漫。之後玩真心話大冒險嘅時候，余文樂更問周冬雨喜不喜歡自己時，想更加明白周冬雨嘅諗法，周冬雨最後回答佢鍾意嘅程度係喺一點至中間之間，答案唔係大家期待嘅好鍾意定點，反而感覺更加真實。

浪漫招數八：六叔超Man！鼓勵周冬雨克服騎馬恐懼

他們二人去騎馬，其實周冬雨之前因為拍戲係馬跌過落黎所以好驚再騎。余文樂主動幫佢牽馬帶黎安全感，仲要超Man，一手抱起周冬雨騎上馬匹，幫助周冬雨克服騎馬恐懼。

浪漫招數九：身貼身超Close整陶瓷

一睇到整陶瓷，就自然會諗起《人鬼情未了》情節。本身兩個分開製作陶瓷，但後來因為周冬雨搞唔掂，所以余文樂就去幫手，余文樂從後攬住周冬雨一齊整個陶瓷，猶如電影情節，超貼蜜！

浪漫招數十：為伴侶買餸煮飯仔！

其實周冬雨不太懂煮飯，不過都想為伴侶煮嘢食，於是兩人去超市買餸返屋企煮飯仔。本身係周冬雨負責煮，但最後因為冬雨搞唔掂要余文樂出手，煮到成枱都係嘢食。

小編真心（中毒）結語：

二人相差十一歲，是當初他們認為對感情有所阻礙的一個原因，加上，他們比較慢熱，起初看的時候，也會覺得他們很不相配。不過，二人都好願意為對方製作浪漫，各自駛出浪漫招數，哄對方開心。即使沒有大聲說愛，但可以看到他們二人的表情和舉動都超級甜蜜。這亦是大家愛看貼地的愛情真人Show。好期待他們下次的旅程會再有什麼樣的浪漫招數，來逗對方開心！

以上圖片為愛奇藝截圖