感謝折 掃平貨攻略 每周必買懶人包@Jetso文
8月完全無紅日，想去個短trip嘅機會都無！無得飛，一於就留港消費，行下商場，睇下邊度有暑假特賣，將我內心積存嘅shopping欲望完全引爆。我Jetso文緊貼所有最新着數，近期就收到可靠情報，將軍澳PopCorn今年5歲生日，聯同近50商戶8月開始 感謝折，每個星期六都提供唔同嘅超筍折扣優惠，娛樂消閒、美容扮靚、運動配飾，樣樣有得減。
PopCorn 5周年 感謝折 每星期有唔同優惠主題
出發去PopCorn呢個 感謝折前，等我Jetso文同大家一齊做足功課，確保大家shop得醒目，買得盡興啦！
先講5/8，最矚目一定係$5就可以買到STAR Cinema原價$85的2D電影禮券，今鋪真係「5蚊睇戲不是夢」呀，很想要吧！限量50套，有買趁手。愛吃嘢嘅人士都要留意，來自京都嘅清水一芳園喺呢個星期有買5送1優惠，佢哋嘅抹茶蛋糕就最出名，諗起都流晒口水。有美食又點可以無美酒呢？King’s Wine Cellar就推出咗4款紅、白酒，7折至半價不等，啱晒買定同朋友gathering﹗
去到12/8嗰個星期，主題就換成女士必備嘅化妝品同護膚品喇。平時好少折扣嘅CLINIQUE、Lancôme皇牌護膚套裝，嚟到感謝折半價就有交易；連CLARINS嘅V級完美組合都有得減呀！唔止唔止，年輕小花最Favourite嘅agnes b同sport b手袋、銀包都做緊特價，梗係要走去睇下﹗
夏天係戶外運動嘅季節，梗係要買番對靚靚運動鞋啦，咁就要留意第三個星期（19/8）嘅優惠喇！Calatog、同3NITY嘅精選鞋款只係~3~折~咋﹗出名着得舒服嘅SKECHERS同FILA都有半價優惠，最正係男、女裝都有，同另一半一人一對就最開心。
去到最後一個星期（26/8），女士們記得記得要留定足夠嘅彈藥，因為YMK嘅精選名牌手袋，半價就有交易；仲有日本人氣品牌WA Oriental Traffic都有特價，鞋款平底、高跟都有，最平$177就買到對係咪抵買先？
額外5倍POPSTARS激賞換心水禮物
買完嘢，唔好急住走﹗記得去Download MTR Malls應用程式中登記成為PopFans Smart會員，呢個月喺PopCorn及連理街場內所有指定非食肆商舖消費儲分仲即享5倍POP STARS，儲夠分仲可以「激賞價」換領至潮禮遇，包括有SimplyLife、Starbucks、GODIVA嘅Coupon，甚至BRUNO雪糕機同「吹頭神器」Dyson Supersonic™ 風筒。係咪好吸引先？
買滿$800記得抽獎 隨時去睇天空之鏡
買完特價嘢儲完分換超正禮品仲唔夠喉？PopCorn話一於送埋你去旅行啦！
PopFans Smart會員由而家到3/9，於非食肆商戶憑電子貨幣單一消費$800兼成功兌換POP STARS積分，即刻自動參加「HIGH FIVE賞飛大抽獎」，隨時贏到雙人來回「人間淨土」塔斯曼尼亞之旅或者玻利維亞「天空之鏡」嘅酒店自由行套票。買得愈多中獎機會愈大！﹗
