快餐派「膠」你可Say No!

新假期編輯部

Apr 6 2016

廣告

食一個快餐外賣，可能只需要30分鐘，但已經消耗了最少10件膠製品！一件膠最少要用上百年時間才可以分解，香港人每日起身至睡覺前，日日「膠到爆」。早餐買包用膠袋，提神奶茶咖啡又用即棄紙杯配膠杯蓋；午餐同晚餐食外賣「一膠再膠」，人哋派膠你就要收？買膠棄膠的責任無可推卸，是時候自己做啲嘢去減膠！

話你知⋯⋯

全港主流連鎖快餐店逾800間遍佈全城
本港每年逾億件即棄餐具垃圾

一餐外賣，用上10件膠、3個紙杯、4包即用調味。

民間自發引入西式自家wrap風

膠災膠難遲早還是人類自食其果，要快手停止，不如找替代品減膠。本身從事保育工作的Samantha，和普通香港人一樣，深明每日買麵包都浪費一個膠袋，想生活環保啲，不過無奈不能常帶大大個食物盒周圍走。偶然機會下，她在一間小店見到Roll’eat 的食物袋大減價，於是買來試用，連身邊的朋友都大讚好用，於是她膽粗粗從西班牙入口幾十個食物袋，並做了香港代理，設立了Facebook 專頁Eco-Wrap 環保麵包袋，推廣自備食物袋，現時專頁已有1.3萬人Like。日前截止的網上團購也反應熱烈，不少款式已售罄。Eco-Wrap 早前去一個市集擺檔，現場有人話個食物袋非常輕巧，會日日用，減膠運動就是這樣，等埋你一觸即發！

西班牙的環保餐袋品牌Roll'eat，產品有 BPA Free 認證，採用無毒膠。使用後，先用濕布抹走油跡，再過水，留意清水會由連接線位滲入食物袋底層，需要晾乾。 — 西班牙的環保餐袋品牌Roll’eat，產品有BPA Free 認證，採用無毒膠。使用後，先用濕布抹走油跡，再過水，留意清水會由連接線位滲入食物袋底層，需要晾乾。

記者實測：有汁都得

Samantha說，不同食物都可以利用環保袋包起，燒賣、腸粉、海南雞飯等外賣食品，都可以袋住先。要包好一個食物好易做，只要沿住摺痕就ok。記者把多汁的牛肉飯，試包及試掟5次，結果成個食物袋無穿無漏，成功pass！

想睇實測情況，留意「新假期GoGreen」FB，試俾你睇！

連謝安琪都用！

早前阿Kay於FB都大曬老公張繼聰送畀佢的食物袋，就係呢兩款！

Snack'n'Go/$65 袋裝設計Snack'n'Go，用來放零食或者麵包都非常適合。 — Snack’n’Go/$65 袋裝設計Snack’n’Go，用來放零食或者麵包都非常適合。

107 — Boc’n’Roll / $65 長方形的Boc’n’Roll用來包大件少少的食物都得，例如三文治、叉燒飯都可以。

Snack'n'Go Tube/$65 長身筒形的設計，主要用來裝生果、菜等。袋口不密封，方便平時裝薯片，一路行一路食。 — Snack’n’Go Tube/$65 長身筒形的設計，主要用來裝生果、菜等。袋口不密封，方便平時裝薯片，一路行一路食。

110 copy — Eco-Wrap 早前在一個市集內開售，排隊等買的搶購人潮竟然有成百人，嚇親同場其他檔主。

Samantha @Eco-Wrap環保麵包袋 FB專頁版主 — Samantha
@Eco-Wrap環保麵包袋FB專頁版主

「Eco wrap是一場社會減廢運動，在乎大家能否持之以恆。」
Eco-Wrap環保麵包袋
FB Search：Eco-Wrap環保麵包袋
查詢：FB直接inbox
延伸閱讀
世界地球日！蜜蜜救地球
 兒童節特備：蠟筆．報紙．水泥自已做積木@Permanenze

關鍵詞

即棄餐具外賣減膠運動環保麵包袋