已經失傳之黃色文字 @ 梁栢堅

（頭盔聲明：內含不良成分，但呢個我當係學術研究，睇唔睇自行決定）

－梁栢堅

梁栢堅 ：絕代另類文字

呢堆廣告大約係70年代， 香港經濟起飛中，色情事業自然掛鈎上揚，當年仲有鹹報，全部都係鹹濕故仔、有味專欄，打油詩、漫畫，當然仲有大量J 圖同廣告，喺未有互聯網同iPhone時，所有另類資訊都係需要付出高價去買。

當年旺角油麻地一帶，成街都係黃色招牌，當時仲係細路嘅我哋，大約知道係乜嘢，用依家嘅講法，係另類兒童性教育。

廣告上面啲人名，當然係假，好有趣嘅係，好多都係姓崔同姓蕭，廣東話嘅密碼外省人係唔會明嘅。但今日睇返，邊有女仔會叫丁香、金花、蘭花呀咁，你估國產女特務呀?

呢類鹹報，仲要畀埋地址你去尋花，政府從來都隻眼開隻眼閉。

呢類廣告特色在於，冇圖，純粹用文字去勾起讀者想像，所以寫手一定係鬼馬啜核抵死，想像創意一流，MARKETING，從來都需要呢啲人才。

現今世代，全人類係睇片睇圖入腦，後生一輩連睇字都懶，文字需求降低，所以呢批另類文字，可謂絕代。