《星球大戰》白兵駐守 香港歷史博物館！ 玩具展 尖沙咀開鑼！
撰文：bu｜攝影：Him
玩具展 門前白兵門後忍者龜
還未入博物館，館前就約有百個白兵「企定定」迎接大家前來！每個白兵都是真．玩具，它們身上皆有個按鈕，供遊人按下後會發出聲響！而聲響更有多個款式，大可逐個按一按聽聽分別！打卡別遺漏館內的地下樓層，因這裏有過千隻黃色小鴨在草地上呱呱呱、3米高的忍者龜、美國隊長及鐵甲奇俠！另外2樓還有變形金剛！
玩具展 4大專題展區
專題展覽廳分為「從過去到現在」、「締造玩具王國」、「玩具時尚」及「玩具新世代」4個展區，共展出超過2,000組玩具，遠至1910年的公仔紙都有！其中的Barbie、模型車、超人系列模型，還有些棋類遊戲，如波子旗、鬥獸棋等，都是小時候曾擁有過的寶貝！然而惹人傷心的是，一來這些玩意早以被丟棄，想買亦無從購回。二來是，當你發現自己曾玩過的「最新款」玩具，都已經被視為文物而放到博物館去，真的都不能不認老了！
1. 《星球大戰》！《鐵甲萬能俠》！ 歐美電影+日本動畫模型
迪士尼、《星球大戰》、《變形金剛》、Marvel及DC漫畫（即蝙蝠俠及超人）等歐美電影角色，備受追捧已經橫跨世紀，相信無人不曉；日本動畫方面，超人、多啦A夢（即叮噹）、龍珠亦是全球皆有狂熱粉絲！展覽中就有展出各個經典角色的模型玩具！
2. 女孩玩意 Barbie！
講真的，雖然作為1個女孩子，但我從未擁有過1個Barbie甚或1個人形公仔，因為覺得很恐怖，經常幻想它們夜裏會動。反而看到森林家族真的非常有回憶，小時候為儲滿1間大屋，不時向家人獻殷勤博獎勵，哈哈！
3. 經典懷舊玩具
當中有很多玩具可能要比我這些90後年長的朋友才有回憶，遠至1910年的公仔紙亦有展出！ 而這個年代多以紙製品或鐵皮玩具為主，雖然看似簡單，鐵皮公仔的上色與細節卻絕不馬虎！
4. 科幻時代太空熱
玩具亦可反映到當年盛行的風氣，1940年全球出現了科技及機械人的熱潮，因而出現了很多與太空有關及機械人玩具！
5. 香港玩具帝國威水史
原來香港曾超越日本及歐美等地，成為全球最大的玩具製造及出口地！很多國際品牌你以為是「來路貨」，其實都是由香港製造，正確無誤的「Made In Hong Kong」！
6. 車！全部都係車！
無論數十年前，還是來到現今，模型車依然風靡零至60歲的朋友！現場有大大小小、形形色色的私家車、跑車、電單車、火車，以及具香港特色的巴士、的士、小巴，模型車迷一定不能錯過！
延伸閱讀：古蹟辦推歷史建築展覽 邊玩邊遊文物 古蹟
7. 遊戲機 電玩時代
玩緊3DS、PS4的你，又有否玩過「牛龜」般大部、黑白又細螢幕的Game Boy？還有紅白機、任天堂等，雖然市面已經有仿復刻版推出，不過原機你又看過未？玩過未？即刻睇睇啦！
入場仲有玩具送！
每位入場都會贈送1件小玩具，不同日子贈送不同禮物，送完即止。不過個場真係超大，仔細睇確係要去多幾次，儲到不同玩具冇難度！
香港玩具傳奇
日期：2/3-15/5
地址：尖沙咀漆咸道南100號香港歷史博物館專題展覽廳及1樓大堂（顯示地圖）
開放時間：星期一、三至五（10:00am-6:00pm）；星期六、日及公眾假期（10:00am-7:00pm）；星期二休館（公眾假期除外）
入場費：$10；$5（全日制學生 / 60歲以上高齡人士 / 殘疾人士）；$7 (20人或以上團體)
查詢：2724 9042
網址：hk.history.museum
