跑吧！無懼任何天氣！香港5大 室內緩跑徑
5大 室內緩跑徑 任你跑
室內緩跑徑 跑步方便在於唔洗日曬雨淋，場內又有冷氣，重中之重是有更衣室同沐浴設施，跑完可以沖個靚涼，唔洗帶住一身汗味。
而體育館開放時間大多由早上7點開始，返工前都跑得。現時5條室內緩跑徑分佈於中環、調景嶺、上水等地，位置方便易去，不少更有其他玩樂設施配套添！
1. 豪華＋方便調景嶺體育館
調景嶺體育館於2015年啓用，新束束的室內緩跑徑長約150米，為5條之中最新同最豪華！其他設施仲有戶外運動攀登牆、兒童遊樂場，室外仲有園景花園同草坪，跑完步仲大把嘢玩。而體育館位於將軍澳翠嶺路，港鐵站一出即到達，非常方便。
特別推介：兒童遊樂場
其他體育館少見有咁大型的兒童遊樂場，調景嶺體育館的兒童遊樂場以海洋為主題，入面有不同設施俾小朋友玩，跑完步可以同小朋友去放電。
調景嶺體育館
地址：將軍澳翠嶺路2號（港鐵調景嶺站A出口）（顯示地圖）
開放時間：每日上午7時至晚上11時(定期保養日除外)
電話：2481 5033
2.除下西裝去跑步香港公園體育館
香港公園體育館位於中環，地點近山頂纜車總站，啱晒於中環、灣仔，金鐘等地方返工的上班一族。響辦公室坐完一日，不妨收工除低套西裝去跑下啦！
香港公園體育館
地址：香港中環紅棉路29號（顯示地圖）
開放時間：每日上午7時至晚上11時（定期保養日除外）
電話：2521 5072
3. 上水＋粉嶺最靚緩跑徑保榮路體育館
住上水同粉嶺的朋友一定識保榮路體育館，因為保榮路體育館有全北區唯一的室內緩跑徑，住新界的你不妨去朝聖。
有唔少跑手都鍾意去保榮路體育館的緩跑徑跑！
保榮路體育館另一特色是有少見的美式桌球室，仲有戶外運動攀登牆，跑步之餘可以試下其他活動。
上水保榮路體育館
地址：新界上水百和路19號（顯示地圖）
開放時間：每日上午7時至晚上11時(定期保養日除外)
電話：2639 2979
4. 四通八達 天水圍天暉路體育館
講起天水圍，通常得到的回應都是「好遠啊」等，其實天水圍都好易去。而天水圍的天暉路體育館亦四通八達，旺角、青衣、元朗等地方都有車去到，有心跑就唔怕遠啦！
天暉路體育館的室內緩跑徑相對無咩景觀睇，可以專心跑步。
天水圍天暉路體育館
地址：天水圍天瑞路63號（顯示地圖）
開放時間：每日上午7時至晚上11時（定期保養日除外）
電話：2473 0229
5. 將軍澳另一選擇坑口體育館
同樣位於將軍澳的坑口體育館亦有一條長約150米的室內緩跑徑，但場內只有一條緩跑徑，設施亦無調景嶺體育館咁新。不過勝在位置方便！
