過年必到 ! 太古廣場 織金彩瓷 新春 鳥籠影相靚位 shopping兼聽中西賀年歌 @ Miss Sunny

新年唔打算外遊，留喺香港其實都⼀樣搵到驚喜。新年梗係同屋企人或者約朋友行吓街、食吓飯，relax吓。搵個靚商場，悠悠閒閒就可以hea半日，我心水係去金鐘 太古廣場 ，地鐵沿線，交通方便，飲飲食食仲有戲睇，唔止，果度嘅新春布置仲好有特色，順便影返幾張新年自拍放IG，正！

新春主題影相位 同摯愛一齊「花好悅園」

今年太古廣場的新春布置裝飾到成個花園咁，襯晒春回大地、花開富貴嘅吉祥氣氛。 佢哋今年仲專誠請來藝術家「林斷山明」以廣彩圖案，設計多個新春鳥籠，充滿傳統中國工藝style的同時，又好鬼有型！真係要去互動攝影區，影多幾張相share被親朋戚友「R」吓like！

太古廣場 送新春限定飾物 捐款香港導盲犬服務中心做善事

嗱，咪話我唔提你，由2月2日至15日，喺太古廣場消費滿指定金額就可以獲贈⼀套由「林斷山明」設計的限量賀年利是封，消費愈多仲有機會得到禮品套裝及價值高達$3,000元嘅購物禮券。除此之外，你仲可以將一個新春慈善吊飾掛於指定慈善鳥籠之上，每掛上⼀個吊飾，太古廣場都會捐贈HK$20予香港導盲犬服務中心，一齊係狗年將祝福同愛心同更多人分享，消費之餘又可幫到有需要嘅人，一舉兩得。

中西合奏互jam 新春行街都可以好artistic

過年就梗要熱熱鬧鬧喇！商場今年請來風格別樹⼀幟的Fusion Quartet樂團表演。這個由4位本地年青音樂家組成的樂團會打破音樂疆界，以二胡、三弦、中國彈撥樂器、鋼琴及鼓等樂器中西合璧jam出賀年及中西名曲。一邊shopping一邊聽歌，仲唔係雙重享受？

太古廣場 新春活動
日期：2月2日至15日
優惠：消費滿指定金額可獲贈「林斷山明」設計限量賀年利是封一套
新春慈善吊飾活動：每購買一個慈善吊飾，太古廣場都會捐贈HK$20予香港導盲犬服務中心