太古城中心11個免費體驗學跑山露營體驗冰上足球 @MissSunny

Apr 27 2018

（Presented By Cityplaza）

夏天咁好陽光當然要出外走走！不過無論去旅行定想做運動，都要做好準備！嚟緊一連四個星期，太古城中心就為我Miss Sunny 呢啲城市人舉辦有一連串戶外體驗工作坊同講座，畀大家做好準備動起來！活動非常豐富，唔單止有旅遊達人周奕瑋教你喺東京捐窿捐罅GO WILD，仲有[野營.野炊]體驗會同City Run！想過一個Cool Summer 亦得！參加冰上泡泡足球體驗，就可以同朋友碰碰撞撞，刺激過一日！快啲孖住朋友一齊報名啦！

1| 上山落山學做Running Man

城市人行慣平路，想跑長跑馬拉松做 Running Man 梗係要做足訓練！今次就有GigaSports x Oakley跑步工作坊，由2018香港馬拉松全馬香港第一跑手—魏賡教授傳授跑步密技，仲有Columbia [跑過界]分享會安排精英運動員領跑柏架山，指導正確步姿，等你跑得快又跑得安全！想嚟個健康夜跑亦得！放工後仲可以參加adidas AR Night – City Run一邊跑過公園一邊享受城巿景色。

2| 伸展運動學習慢活生活

好似Miss Sunny 呢啲鍾意慢活的話，可以參加瑜伽班，學習瑜伽入門同公餘嘅伸展運動，放鬆身心。如果有小朋友亦可以帶佢哋參加「小腳板跟著Patagonia走扁帶」，赤足走過尼龍扁帶，考考平衡力！

3| 佛系旅遊睇咗當去咗

好多時同鍾意旅行嘅朋友傾偈，都會想立即逃離香港！若果無時間出走去旅行，不如聽聽分享會，等自己大開眼界！旅遊達人周奕瑋就會喺分享會教你喺東京捐窿捐罅GO WILD外，仲會教你精明添置旅行裝備同合適衣著配搭𠻹！另外，亦可以參加GO WILD [野營·野炊] 體驗會，學習野營秘技同野炊美食！又或者參加攝影分享會學習縮時攝影同夜攝技巧。