大澳靚景民宿│起身看海│聽潮汐漲退

Oct 20 2016

放假想出走，離不開離島避世。長洲、大澳、南丫島一日遊注定同人逼，想避開人潮，惟有搵地方住番晚，待人潮過後晚上外出就可享受小島寧靜。可是香港小島近年紅爆，租金暴升，至少$6、700才可住在簡陋渡假屋，想不到香港人平日住劏房，放假都要屈住屈住。幸好最近在大澳找到一間新開民宿，價錢雖屬正常水平，但屋外景觀絕其他小島渡假屋，性價比高。起身走出露台就可看海、聽潮汐漲退的浪聲。

撰文：Keith │相片：海悠居

靚景大澳民宿起身看海

大澳平日遊客很多，但原來除大澳文物酒店外，就只有兩間持牌民宿，當中包括「歸田園居」及今次介紹的「海悠居」。民宿位於大澳海邊，露台向海，每天都可看到潮汐漲退，潮退時更可看到撐起大澳棚屋的木支架，很有漁村風光。海悠居總共有三間套房，平日定價約$600-$800，價錢不算最平，跟長洲大部分渡假屋相約，但景觀卻靚絕，性價比夠高。