【 打卡必去】召喚童心！ 玩盡夢幻聖誕樂園 ＠Miss Sunny
每個人內在都有一顆童心，呢個聖誕同家人好友走入夢幻樂園，一定可以將童心無限釋放。太古城中心已經化身成「聖誕光影樂園」，設計以「LIVE HAPPY」為主題，周圍都布置咗五光十色嘅燈飾，而且仲有多個聖誕圖案造型嘅熒光燈管，節日氣氛好濃厚， 打卡必去！喺場內消費滿指定金額，仲會送朱古力聖誕禮物同飛行里數，一於約fd去行街 影相 shopping啦！
必玩焦點：5米巨型投影滑梯
瀡滑梯絕對唔係小朋友嘅專利，大朋友一樣可以玩！太古城中心全場最矚目嘅首推巨型聖誕屋裡面嘅5米長光影滑梯，你可以拖住另一半或者閨密齊齊瀡落嚟，超開心！滑梯屋仲布置咗唔同嘅聖誕裝飾，所以玩完滑梯，記住要 打卡 呀！
掛滿聖誕小食嘅巨型聖誕樹
聖誕樹真係百影唔厭，呢棵光影聖誕願望樹高14米，仲用咗接近一百個LED聖誕燈飾布置，掛滿咗唔同嘅聖誕美食同吊飾，好似cup cake、雞尾酒、雪糕、冬甩，仲有雪人、薑餅人、聖誕襪等，超繽紛又吸睛，梗係又要selfie啦！
投入狂舞氛圍
音樂、舞蹈，最能將快樂正能量散播，12月呢度亦變成舞台，電影《狂舞派》星級舞蹈總監麥秋成會帶領舞團同一班小舞蹈員演出「閃光舞動巡遊」舞蹈表演，穿梭呢個光影樂園，相信到時現場氣氛肯定升溫。
地點：太古城中心2樓中庭及中橋
日期：12月23-26日（逢星期六、日）
時間：5-6:30pm（每半小時1節）
Oh My Deer慈善鹿車
影相血拼 打卡 之餘，仲可以幫到有需要嘅人？只需捐助$100支持慈善基金「愛心聖誕大行動」就可以登上鹿仔座駕同聖誕老人一齊selfie，再帶走6R合照，留低你同摯愛嘅專屬回憶！
地點：太古城中心2樓中橋
日期：12月22-25日
時間：12月22日 — 1-2:30pm、3-4pm、5-6:30pm
12月23-25日 — 1:30-2:30pm、3-4pm、4:30-5:30pm
買禮物有著數
仲忙緊買聖誕禮物？由依家至12月26日喺太古城中心以電子消費滿指定金額，即送獨家限定agnès b. DÉLICES禮品同飛行里數！（數量有限，先到先得）
購物滿$2,000或以上：送agnès b.聖誕Live Happy星形朱古力禮盒＋500「亞洲萬里通」里數；以美國運通國泰航空信用卡簽賬加送500里數
購物滿$5,000或以上：agnès b.聖誕陶瓷罌＋1,000「亞洲萬里通」里數；以美國運通國泰航空信用卡簽賬加送1,000里數
購物滿$8,000或以上：agnès b.聖誕Live Happy禮品盒＋1,500「亞洲萬里通」里數；以美國運通國泰航空信用卡簽賬加送1,500里數
成功換領「亞洲萬里通」里數的話，更會自動參加「太古城中心里賞聖誕大抽獎」！
頭獎：500,000「亞洲萬里通」里數
二獎：60,000「亞洲萬里通」里數
三獎：30,000「亞洲萬里通」里數
太古城中心
網址：www.cityplaza.com
Facebook：Cityplaza Hong Kong
