跟住《殭》去 夜吾夜 ! 西環3大影相位 |西環好去處|
廣告
大台嘅劇集《殭》已經去到尾聲，入面謝安琪同鄭嘉穎畫壁畫嘅經典一幕，相信好多人都記得。原來劇入面 夜吾夜 門外嘅壁畫係真有其畫，位於西環高街一間Cafe門外，最近仲引來不少fans嚟影相打卡，今個週末就等記者Mandy帶大家去西環3大影相位，影返輯靚相啦！
1. 夜吾夜 壁畫 扮吓女神Kay
話說女神謝安琪喺Instagram上載咗一張於夜吾夜門外樓梯影嘅相，令好多女孩子都慕名而來，扮返女神擺pose影靚相。雖然，影出嚟一定無女神咁靚……
劇集入面，夜吾夜係一間無固定餐單嘅深宵食堂；喺現實中，呢度其實係一間結合藝術館與咖啡室於一身的餐廳，既是咖啡室亦是Gallery。室內掛有不同畫作及攝影作品，而且唔少都係同西環有關，例如《爬樓梯・西營盤」素描，藝術家得嚟，又十分本土。
Cafe除大路的Latte與Cappuccino，也賣Chemix和Areopress兩款手沖咖啡，食物如蛋糕、酥點都是入貨的，但水準皆不俗，酥點夠鬆化、蛋糕夠light不過甜。店子的果醬則以新鮮水果自家製，啖啖都充滿果肉。遇上店員不忙或有新鮮食材的時候，還會即興做各款意粉，算是店子的hidden menu，夠率性！
$45（細），$60（大）用萬特寧咖啡豆沖調，帶草本及泥土氣息，味道醇厚。
Living Art Café
地址：西營盤高街LG31舖（顯示地圖）
電話：2803 0186
營業時間：星期一至五 9:30am-6pm，星期六、日 9:30am-7pm（逢星）期四休息
2. 西環泳棚 行到海中心
一場嚟到西環，又點可以唔去埋西環泳棚呢？泳棚原意係畀公眾游水，不過風高浪急，現場又無救生員，所以都無乜人響應特首所言，得閒去游棚游吓水，到最後反而演變成一個影相聖地，甚至有人專程嚟影結婚相添！
西環泳棚
地址：西環域多利道港島西廢物轉運站對開（顯示地圖）
3. 天空之鏡以外的西環碼頭
西環碼頭最出名一定係天空之鏡，可惜去年已經鋪上瀝青填平路面，令到天空之鏡消失。不過就算無咗天空之鏡，碼頭其實都依然係一個超級影相位，實地取材都可以影到一輯靚相。
