【出街食定愛回家？】團年開年 銅鑼灣 搵食提案 ＠Dining娜

攝影：Wing（部分）

好快就到年三十同農曆年，同親友、同事食團年飯、開年飯，要諗去邊度食真係幾頭痛！出街食定愛回家好呢？其實why not both呢，新年咁多飯局，食勻唔同食肆再留晌屋企輕鬆食盆菜咪冇咁悶囉。我Dining娜經常出沒 銅鑼灣 搵食，有超過10間食肆嘅銅鑼灣廣場二期幾乎係我嘅飯堂，當中唔少已經出咗團年、賀年菜喇，新年梗係要約齊家人、好友食好啲啦。唔想成班人到時冇位咁冇癮，就快啲訂定位喇！

過年食好啲

家中長輩團年、開年好多都鍾情於食中菜，因為唔少賀年菜都好意頭，而且過年食得豐富啲，有個好開始！開業只有數月嘅「盈福28」，好評不絕，賣相超可愛嘅點心啱like度極高，例如奶黃包印上「叻叻豬」、「講呢D」同emoji樣，相當搞鬼，開開心心食一餐，肯定大家都笑口常開。仲有盞鬼創意小菜，好似將油炸鬼同咖喱牛肋條結合嘅脆皮牛魔點醬，無論賣相定味道都極有驚喜！

好多中菜食客都鍾意「名苑」，因為佢地出名菜式健康，例如上海千葉滑豆腐就令人讚不絕口；連矜貴菜式都會注入健康元素，好似藜麥宮廷皇燒翅。另外點心亦做得相當出色，要矜貴嘅有燕窩流沙包，想食傳統嘅又有乾清棗皇糕。

「太湖海鮮城」獲獎無數，單係米芝蓮美食推介餐廳已經攞咗幾屆：2009-2011年、2013-2017年，過去亦有唔少菜式攞過獎，例如招牌菜「行運一條龍」（金湯焗加拿大龍蝦）就喺2002年攞咗香港旅遊發展局頒發嘅「美食之最大賞—美食金獎」。

「富東」由鮑魚專家林永春師傅主理，無論係扣鮑魚抑或炒魚翅都水準極高，一道慈禧最愛嘅宮廷菜「御用鮑魚寶貝雞」，更將鮑魚的濃郁味道加以提升，連雞肉都有鮑魚味。團年、開年一定要點當紅炸子雞、發財好市大利呢啲意頭菜。

愛回家，食盆菜

唔想同人迫，買盆菜安坐家中邊玩邊食都唔錯。「潮江春」嘅潮式外賣盆菜「吉品鮮鮑魚元蹄盆菜」，用咗唔少矜貴靚料，包括蠔皇扣吉品鮮鮑魚和花膠、潮式五香鴨、元貝、鵝掌、海參、元蹄等等，分量十足！

「翠園」嘅「鮑魚‧花膠‧好市盆菜」，就有原隻鮮鮑魚、鮑魚汁炆花膠筒、特級蠔豉、日本元貝等等，同樣矜貴。人多的話，仲可以加料買埋佢地其他出名嘅外賣食品：鴻運乳豬拼盤、臘味糯米飯、興隆醬燒雞。

和風「瀛」新年

若果農曆年期間食得太多中菜，不妨轉轉口味食日本嘢，日式烤肉同放題火鍋就最合港人胃口。「德家日式燒肉」同「德興日式放題鍋」都以靚牛最出名，有多個牛部位供應，包括極上牛肋肉、牛脊肉、牛舌、牛胸腹等，當然亦唔少得海鮮、刺身等，無論係日式燒肉抑或shabu shabu，新年一定可以大滿足。

「滿屋」嘅日式放題刺身夠晒新鮮，首推大大隻又鮮甜嘅赤蝦，仲有其他熟食同小食任你揀。一般放題都只係得兩個零鐘，但滿屋可以食足3個鐘，仲有Häagen Dazs雪糕食添，絕對可以回本！

「極尚大瀛喜」嘅日式放題除咗刺身新鮮之外，燒物都同樣出色，其中燒羊架同燒鰻魚均屬必點推介。另外，飲品同甜品都值得一讚，有椰子水、蘆薈汁、macaron同frozen yogurt，一定可以滿足埋你甜品嘅胃。

食完飯仲想搵地方傾偈，最好就係轉場去Starbucks歎杯咖啡、食件cake，近排佢地仲出咗兩款新口味咖啡添！

銅鑼灣 廣場二期

地址：銅鑼灣駱克道463-483號（銅鑼灣站C出口）
泊車：附設停車場（B2樓設有2個中速充電裝置）