【出走郊外玩】兩手FingFing 豪歎 圓帳營 ｜昂坪青年旅舍｜大嶼山好去處
廣告
一入秋，面書就陸續出現露營照，看到別人有印第安營或者 圓帳營 ，實在太靚、太有feel！極葡萄！但如若自己去露營，怎會用上這些營，又重又難拎又難砌，重點是哪有錢買。YHA 青年旅舍數月前引入圓帳營，配合其Glamping （豪華露營）計劃，這些機會終於屬於我！
撰文：bu｜攝影：Scott
[embedyt]
[/embedyt]
$200有找 大嶼山豪住 圓帳營
在昂坪市集附近不過十分鐘路程， 就有得兩手揈揈Glamping，入住靚靚 圓帳營 ！網上預約後，繞埋雙手，到埗就可見帳篷已經為你搭好，爽！官方指帳營最多可供8人入住，我覺得大營4至6個人就剛剛好，不會太逼，雙人充氣床亦夠大夠「彈」，不怕翌日腰骨痛！不過想Camp得夠獨特，就要自備裝飾品，花些心思去整靚個營了！
想沖涼、煮食都有齊設備
雖說兩手揈揈，但三餐就要自備。旅舍提供廚具及餐具，大家可先於東涌購買食材，都很方便。自認廚藝平庸， 大可考慮BBQ，一樣「野」味。旅舍還有提供沐浴設施及大廳，就算玩完一日成身汗，都有得沖涼，不用臭著睡。
$35 簡單早餐 唔使自己煮
一早起身想舒服一點乜都唔做，旅舍也供應簡單早餐，包括方包連牛油、花生醬或果醬、芝士片、煎蛋、玉米片及飲品，不想吃玉米片還有即食麵及燕麥片可選擇。雖然不是豪華或什麼太特別的早餐，但這個價錢可接受。大家亦要記得食完自己洗餐具！
唔露營都一樣有得住 感受山野靈氣
除露營，青年旅舍也有傳統房間提供，雙人、四人及八人房間，價錢相宜。旅舍負責人Scott儼如這裡的房東，待客人如朋友一樣，住宿時遇上問題儘管找他。 他笑指，不時彼此混熟了，還會自發帶隊跟大家到附近行山！
旅舍點樣去?
1. 東涌->昂坪市集
於東涌乘搭大嶼山巴士23號至昂坪市集，甫下車見天壇大佛，朝牌坊往內走進入昂坪廣場。
2. 昂坪廣場
沿路都有指示牌指示青年旅舍的方向。
3. 心經簡林石碑
走約7分鐘就可看到心經簡林石碑及青年旅舍的紅色指示牌，再走約3分鐘便到旅舍。
