國際博物館日 ！全港5個親子必去免費博物館
1. 香港文化博物館─莫奈作品展
免費入到文化博物館，除咗參觀平日都有嘅展覽，重頭戲就係呢個另外收費嘅 莫奈 真跡畫展。首次來港展出嘅17件 莫奈真跡 ，當中包括《睡蓮》，帶大家神遊家鄉吉維尼、諾曼第、倫敦和威尼斯等歐洲景點。最重要係加入咗多媒體互動技術，令部分畫作重現當中場景，令大家更易消化藝術品的真諦，更貼地，令大人小朋友都感受到藝術嘅樂趣。
而14/5今個星期六就更有戲劇、小畫家和講座等活動，讓小朋友和大人透過不同活動深入認識莫奈的畫作背景和意義。
喜歡畫海洋及天空的歐仁．布丹，是莫奈的良師益友，帶他走出戶外寫生，學會觀察光線、描繪動態事物的即時繪畫技法，對印象派影響深遠。
如果唔想參觀莫奈畫展，可以睇下李小龍展覽，當中會播放一齣《李小龍風采一生》紀錄片，小朋友就可以對呢位傳奇人物有更深認識。
《他鄉情韻—克勞德・莫奈作品展》
日期：4/5-11/7
開放時間： 10am-6pm（周一、三至五）、
10am-7pm（周六、日及公眾假期）、同二休館
地點：沙田香港文化博物館專題展覽館（顯示地圖）
票價：$20（成人）、$10（學生及長者）
網址：www.heritagemuseum.gov.hk
備註：逢周三、六、日及公眾假期（4:15pm-5:15pm）設公眾導賞團
親子活動詳情：
「小小莫奈走進印象世界」繽紛遊踪
活動分成兩部份，第一部份會有化身成莫奈和荷花仙子的戲劇導師，帶領裝扮成莫奈的小朋友置身印象派大師的作品當中，讓小朋友透過模仿故事體驗莫奈的世界，而第二部份以小遊戲和繪畫，學習其色彩應用，繪畫出自己的作品。
日期：14/5
時間： 10:15am – 12pm
地點：一樓專題展覽館三、四及五
「認識印象派大師莫奈」 — 小畫家活動坊
以互動和繪畫環節，向小朋友介紹莫奈的生平和藝術，並啟發他們以莫奈的創作題材為靈感，繪畫出屬於自己的作品。
日期：14/5
時間：2pm – 2:45pm
地點：一樓專題展覽館五
香港文化博物館
開放時間：10am-6pm（星期一、三至五）、10am-7pm（星期六、日及公眾假期）；星期二（公眾假期除外）、農曆年初一及二休館
地址 ：香港新界沙田文林路一號（顯示地圖）
2. 香港海事博物館
相信大人揸車就多，可以揸船嘅機會真係好微。而海事博物館就有一部像真度非常高嘅「顧國敏船舶模擬駕駛室」，適合一家大細初嘗揸船感覺。駕駛員可以嘗試喺唔同嘅天氣情況下，例如大霧、大雨、甚至落雪，模擬點樣揸天星小輪、貨櫃船同高速船。到時仲有職員教大家點樣透過電子海圖，以確認自己船隻嘅位置、航道，又可以聽下實時無線電通訊，非常過癮。
如果想參觀模擬駕駛室，記得入咗博物館後，去訪客服務處攞模擬駕駛室免費門劵，依指定時間參觀。時段分別為：下午2時、2時45分、3時30分、4時15分，每節30分鐘（每節最多15人），如果好想玩就記得早啲攞飛。
香港海事博物館
開放時間：9:30am-5:30pm (星期一至五)、10am-7pm (星期六、日及公眾假期)；農曆年初一及初二休館
地址：中環八號碼頭（顯示地圖）
網址：http://www.hkmaritimemuseum.org/chi/
3. 香港歷史博物館
歷史博物館可以令你一日內穿梭六千年，由最初自然生態環境，慢慢去到原始人生活，再經歷漢潮至清朝，之後仲去到鴉片戰爭、日佔時期，再講到香港回歸，所謂「讀萬卷書，不如行萬里路」，襯唔駛錢去學下嘢！兼且博物館特意係呢兩日（14及15日）舉辦「民風物語─香港民俗文化大檢閱」節目，令大家對香港嘅多元民俗文化有更深認識，唔再係得自己係館內睇說明，當中更生動有趣。
《民風物語 — 香港民俗文化大檢閱》
日期： 5月14日(六)、5月15日(日)
時間：11am-12pm、2:30pm-3:30pm、3:30pm-4:30pm
地點：「香港故事」常設展
名額： 不設名額, 先到先得
費用：費用全免
香港歷史博物館
開放時間：10am-6pm（星期一、三至五）、10am-7pm（星期六、日及公眾假期）；星期二（公眾假期除外）、農曆年初一及二休館
地址：九龍尖沙咀漆咸道南100號（顯示地圖）
網站：http://hk.history.museum/
4. 香港科學館
由可以觸碰及觀賞嘅實物，可以慢慢轉為探索無處不在，但又睇唔到摸唔到嘅粒子。依加科學館舉辦緊專題展覽「世紀實驗：探索神秘的粒子世界」，透過一啲大型展品，將複雜嘅科學知識以簡單直接嘅方法解釋俾大家聽，究竟人類睇唔到嘅粒子係點樣互相影響，再明白一啲大自然基本法則。小朋友去到可以玩下模擬實驗室場境，了解下咩係科學。
開放時間：10am-7pm（星期一至三、五）、10am-9pm（星期六、日及公眾假期）、10am-5pm（聖誕前夕及農曆新年除夕）；星期四（公眾假期除外）、農曆年初一及二休館
地址: 香港九龍尖沙咀東部科學館道二號（顯示地圖）
網站：http://hk.science.museum/
5.香港海防博物館
香港海防博物館前身是鯉魚門炮台，當時仲係英治時期，所以炮台由英國皇家工程兵團設計和建造，炮台經過日軍攻陷香港嘅淪陷時期，見證香港人嘅歷史，而且炮台景色好好，可以影下相。另外，咁啱博物館舉行緊「同禦鐵蹄 ── 香港的抗戰歲月」專題展覽，小朋友可以睇下當時日本侵華嘅刊物、電影劇照等。
開放時間：10am-6pm（星期一至三、五至日）；星期四（公眾假期除外）、農曆年初一及二休館
地址： 筲箕灣東喜道175號（顯示地圖）
網站：http://hk.coastaldefence.museum/
國際博物館日 免費開放一覽
仲想知有咩博物館會於5月14，15號免費開放，咁就要留意下面個List啦！康文署轄下嘅博物館除咗香港歷史博物館、香港文化博物館、香港科學館、孫中山紀念館、香港海防博物館之外，仲有其他博物館。
今次除咗康文署轄下嘅博物館參加，仲有其他博物館可以免費入場！最抵係香港海事博物館，其他平時都要開放俾公眾參觀。
