研究：單身比已婚壓力更大 唔好再亂放閃光彈啦｜外國研究
廣告
成日話結咗婚嘅人好大壓力，有冇諗過其實單身狗仲大壓力！每逢大時大節唔敢出街，仲有埋個啲測試毒男勇氣程度，搞到連一個人去餐廳食飯都唔敢呀！都咪話唔大壓力㗎！
撰文：KM | 圖片來源：Instagram、連登｜資料來源：Psychoneuroendocrinology
已婚比單身更健康和快樂
根據《Psychoneuroendocrinology》入面《Marital status as a predictor of diurnal salivary cortisol levels and slopes in a community sample of healthy adults》嘅研究，發現已婚比單身更健康，相對較少壓力。
單身人士受人際壓力影響
是次研究搵咗572個年齡介乎22-55歲嘅受訪者，收集佢哋嘅唾液以測試皮質醇水平，發現單身人士嘅皮質醇水平較高，因為佢哋要面對更高水平嘅人際壓力。對住身邊嘅朋友一個個出pool，仲要畀朋友、親戚問拍拖未，有苦又冇地方呻，就連出街都唔敢自己一個食飯，真係好大壓力㗎！
至於已婚人士有伴侶嘅陪伴，唔開心嘅時候有另一半一齊分擔，相對壓力會冇咁大。研究顯示已婚人士喺下午時段皮質醇會加速下降，夜晚嘅皮質醇水平最低。佢哋對自己嘅婚姻愈滿意，相對壓力都會少啲，人都會健康啲㗎！
本來正常含量嘅皮質醇係有助身體喺壓力下回復體內平衡，不過長期受壓就會導致長時間分泌皮質醇，如果身邊嘅單身狗發脾氣，有可能受到皮質醇同壓力影響㗎！大家多啲關心身邊單身嘅朋友啦！
