周末親子活動孫中山先生 150周年誕辰紀念展

生活

Parent婷

Nov 17 2016

(Present by 香港歷史博物館)

做人阿媽，真係成日好想自己仔女學多啲嘢，好似海棉咁吸吸吸～吸哂啲知識就好喇。但又唔想自己做怪獸家長俾小朋友太大壓力，所以最好嘅學習方法就係邊玩邊學習喇！

今年原來係孫中山先生嘅一百五十周年誕辰，香港歷史博物館舉辦咗【趣看孫中山及其時代展覽】嘅紀念展，展期大約一個月，仲係免費入場添，即刻帶大家睇下有咩精彩內容！

同「孫中山先生」合照

今次展覽小朋友最Enjoy應該就係呢個影相位喇，喺展覽廳一樓一入門口就見到不同造型嘅「孫中山」迎接你，一比一嘅人像及人型紙牌，呈現咗清末民初身穿唔同服飾嘅孫中山先生。

一比一嘅人像及人型紙牌，絕對係影相位。

孫中山嘅歷史足迹

孫中山先生時期嘅中國面對歐美列強交侵，經歷咗甲午戰爭、八國聯軍之役、日俄戰爭等重要戰爭，好似好沉重，不過，今次展覽就用咗講故事嘅方式，同大家介紹孫中山嘅革命運動，成件事就好玩咗好多啦。喺香港睇孫中山展覽，當然要認識佢同香港有咩關係啦，場內有介紹孫中山先生先後入讀嘅拔萃書室（拔萃男書院）、中央書院（皇仁書院）同埋香港西醫書院（香港大學醫學院）添。仲有多媒體節目介紹，即刻好似上咗堂歷史課咁呀！

透過多媒體節目認識孫中山先生，既有趣又學到嘢！

孫中山先生同佢嘅家人。

1912年孫中山先生在港督府留影。