周末秋遊玩樂攻略！$550全年任搭纜車玩轉大嶼山 @Miss Sunny
(Presented by NP360 Cable Car)
秋風起，唔好浪費好天氣，一於跟我Miss Sunny出外走走，去大嶼山同昂坪玩番轉！呢個香港人後花園真係好多嘢玩，無論同閨密搭纜車影靚相，還是一家大細去大澳漁村玩一轉，又或者行山露營做個山系旅人都得！動又得，靜又得，包你可以過一個充實嘅周末！記得睇到最尾，有購票優惠攻略㗎！
大嶼山動感體驗攻略
踏入初秋，最適合親親大自然！大嶼山有多條行山路線，無論係大東山、鳳凰徑等中高難度路線，定係輕鬆易行嘅昂坪棧道都有。
一家大細亦可以去昂坪市集投入武俠小說嘅世界！由即日至10月28日，每日有3場免費武術表演。唔單止可以近距離睇到少林同峨嵋兩大門派嘅絕技，仲可以跟師傅學習勁力逼人嘅「少林黑虎拳」或「峨嵋逍遙扇」，有得睇又有得學！另外，亦可以去「360舞臺」同「360VR體驗館」，喺經典電影拍攝現場同充滿香港懷舊特色嘅布置下影相留念！
行到攰，想坐定定食餐好，昂坪市集唔止雲集各路英雄，仲雲集多達12間國際美食。當中不乏中式茶館、老字號酒樓同經典地道小食，配合古式裝潢，坐喺店中就好似喺武林小說嘅客棧入面，享受美食，笑看江湖！
熱愛戶外體驗的話，仲可以喺YHA昂坪戴維斯青年旅舍，乜都唔使帶就可以露營觀星。第二日更可以出發去有「東方威尼斯」之稱嘅大澳感受漁村文化，食吓地道小食做早餐，又或者去長沙玩印第安獨木舟𠻹！
大東山每年10月尾、11月頭都係芒草盛放嘅季節，金黃一片令人好感動！
360盟主之爭 少林vs峨嵋
日期: 即日至10月28日
地點: 昂坪市集
時間: 每日12:45pm / 2:30pm / 4:00pm (每節約15分鐘)
佛系玩樂大法
想輕輕鬆鬆親近大自然，唔使用腳嘅，坐纜車一樣可以有風景睇，一樣可以影相打卡，仲唔係最好嘅佛系行程？喺水晶車廂入面，沿途可以360度遠眺遼闊嘅南中國海，亦可以俯瞰翠綠嘅北大嶼山郊野公園，有山有水，想點影就點影！
到達昂坪市集可以「與佛同行」，話唔定頓悟到真正嘅大智慧！之後仲可以到天壇大佛祈個福，睇吓緣份幾時來！行到攰亦可以歎個中式下午茶，再出發去「心經簡林」，喺霧霞與日落間，享受仙境！
