只怕豬一樣的隊友！太古溜冰場玩 泡泡足球 ！室內涼浸浸一路撞一路跣！
廣告
太古城溜冰場推出冰上 泡泡足球 ，大家可以在「涼浸浸」的冰上把對手撞飛。而且着普通波鞋就可落場，但會行下跣下，想「大腳傳中」都會自己失平衡跣到飛起，波邊都掂唔到就瞓低。好玩又好笑，真係不怕神一樣的對手，只怕豬一樣的隊友！
撰文：Keith｜拍攝：Him
冰上 泡泡足球 一路跣一路撞
今次記者試玩室內溜冰場的 泡泡足球 ，玩法少見，更是香港獨有。玩法跟普通 泡泡足球 無異，但卻異常費力及刺激，因走在冰上很易跣低，經常要用力平衡，運動量較大。而且一路撞一路跣，臨門跣低情況常有出現。現場散發涼氣，玩落較草地上舒適。玩家只需穿一般運動鞋就可落場，球賽最少3對3，最多5打5，不過收費就較貴，2千元半小時1節。以正常人體能，玩10分鐘就要休息，所以一1共可玩2至3場，而學校及團體首次預訂就有半價優惠。
又跣又跌危險嗎？
相信很多人跟記者一樣，聽到溜冰場加泡泡足球，一定聯想到鋒利的溜冰鞋及強烈撞擊。其實上面提過，今次着波鞋就可參加，故沒有上述的危險。雖然冰面上的確會有點跣，但有充氣球保護，全身9成位置都受保護。只是要留意雙腳在被撞飛時不要屈到，就十分安全，反而小心pat pat會濕呢。
【豬隊友 跣低3部曲】
整場賽事中，發生得最多的，不是撞飛，而是大家經常自己跣低，真係波邊都未掂到。大家笑隊友多過幫隊友！
記者點評：冰上玩泡泡足球真的未試過，一入場就寒氣陣陣，玩到渾身發熱都不會出太多汗，較普通的舒服。不過場地很滑，跣的時間多過撞人，平衡力差要注意。記者認為，「3打3」很辛苦，「5打5」會較輕鬆，更可平分費用，除開大約$200 1個人。亦可考慮集齊12人參加，分2場「3打3」賽事，更平。
冰上皇宮「冰上泡泡足球」
地點：太古城中心1樓冰上皇宮（顯示地圖）
時間：9:00am-10:00am、8:00pm-10:00pm；5:30pm-7:30pm（只限星期日）
收費：$2000/半小時（學校及團體首次預訂半價）
