出返街好興奮購物慾大增？3個理性Tips 教大家保持儲錢目標+做任務邊玩邊賺獎賞買心頭好

Tips 1: 停一停，等一等！避免衝動消費！

每次購物時，去到最後一步都要停一停，等一等！可能是離開舖頭出去行下，網購的話離開Check out頁面冷靜一下。畀少少時間自己諗清楚先買，避免衝動消費。

喺冷靜期間可以問自己幾個問題，睇下自己係咪真係要買。第一：「呢樣嘢係『需要』定『想要』？」思考呢個問題嘅時候，試想想，自己如果無買到，係咪都可以生活如常？如果使咗錢去買呢樣嘢，會點樣幫到自己嘅生活？幫自己諗下係咪真係需要，同埋有幾需要。

第二：「買咗之後，嚟緊幾時會用？係咪真係會用？ 」因為好多時會發生嘅情況就係，買咗返屋企之後其實一路都好少用。

最後：「銀行戶口有幾多錢？」如果你係月光族，更加應該係買嘢之前就睇下自己個銀行戶口。你仲記唔記得每個月底使晒啲錢，懊悔不已嘅心情？想唔想每個月都係咁樣？

Tips 2: 用免費全自動記帳功能控制每月支出 達到儲蓄目標

減少衝動消費之後，就係平時要養成記帳嘅習慣，更加有系統地控制每月嘅支出，唔好使突，儲起要儲嘅錢。

但係每次買嘢之後要記得mark低，其實都唔容易，好難持之以恆。喺呢度就介紹HSBC HK App嘅「個人預算」功能畀大家，簡單易用，免費之餘，仲可以自動追蹤每個滙豐戶口同信用卡戶口消費，並將消費分門別類，所有開支一目了然，去到月底就可以睇返啲錢使咗去邊，好好檢討，比起自己mark數更方便添！

去到月尾嘅時候，見到餐飲嘅消費佔好多，就可以諗下係咪要開始試下帶飯返工，減少呢方面嘅開支。就好似有時食Lunch使嘅錢，唔計都唔知原來可以咁多，以HK$50一餐咁計，乘以20，其實都已經成千蚊。

除此之外，大家仲可以使用預算追蹤功能，set好每月開支嘅預算，去到唔同預算進度佢都會提一提你，咁以後有個App track住使咗幾多錢，就無咁容易使突啦！

Tips 3：不止節流 更要識開源

有時除咗死慳死抵之外，更加要識得把握一啲賺取獎賞嘅機會，嚟緊講嘅呢個機會，可以輕鬆解鎖真正健康，過關兼賺獎賞，再用嚟買心頭好畀自己！

喺HSBC HK App入面，大家仲可以參加Well+「身、心、財」健康獎賞計劃，過關賺高達$2000「獎賞錢」^*。啲任務仲可以幫大家喺健康、心理健康同理財及保險知識都同時level up，簡單易晉級。以其中一個等級嘅任務為例，Body徽章就係簡單做運動或達成指定步數； Mind同Money徽章仲簡單，完成小問答同埋睇吓小貼士就得喇。

每$1「獎賞錢」可以當做HK$1咁用，善用呢啲賺到嘅「獎賞錢」嚟買心頭好，可以延遲衝動消費之餘，過程中仲解鎖真正健康，一舉幾得。

理財儲錢嘅嘢，坐言起行，快啲download HSBC HK App，跟住上面嘅Tips好好儲錢，好好賺獎賞！

^#本計劃由滙豐人壽保險（國際）有限公司（於百慕達註冊成立之有限公司）（「滙豐保險」）及香港上海滙豐銀行有限公司(於香港特別行政區﹝香港特區﹞註冊成立之有限公司）（「滙豐」）合辦，並於香港特區內推出。

^*有關賺取高達$2,000「獎賞錢」，只適用於持有有效滙豐保險計劃保單的滙豐客戶。受條款及細則約束。詳情請參閱 Well+ 網站及香港滙豐流動理財應用程式上相關的條款和細則及常見問題 (FAQ)。

（Presented by HSBC）