全民運動日又嚟啦！免費使用康文署轄下康樂設施@Miss Sunny

康樂及文化事務署（康文署）每年都會舉辦「全民運動日」，以鼓勵市民恆常參與體育活動。今年「全民運動日」定於8月4日（星期日）舉行，當日除咗有多項免費康體活動畀巿民參加之外，康文署仲會開放大部分轄下康樂設施畀大家免費使用，包括羽毛球場、健身室及網球場等等。仲攤係梳化唔願郁，叫埋屋企人同朋友一齊參與啦！

有意預訂免費康樂設施嘅巿民記得喺7月28日（星期日）上午9時起，喺康文署各區場地「康體通」訂場櫃檯（自助服務站除外）預訂就可以免費享用康樂設施（部分設施使用者須持有相關活動的認可資格。）每人只限預訂一節，不論設施類別，先到先得！公眾游泳池則無須預約，市民只需喺「全民運動日」當日泳池各開放段節開始前係入口處排隊入場，同樣都係先到先得，額滿即止。

免費使用嘅康樂設施包括：

1, 室內康樂設施：羽毛球場、網球場、籃球場、投球場、排球場、壁球場、乒乓球檯、美式桌球檯、英式桌球檯、運動攀登牆、草地滾球場、高爾夫球設施、健身室、活動室、舞蹈室和單車賽道

2, 戶外康樂設施：網球場、網球練習場、草地滾球場、棒球練習場、運動攀登牆、射箭場、繩網陣和高爾夫球設施（不包括營地設施、運動場、人造草地球場和天然草地球場）

3, 公眾游泳池（不包括灣仔游泳池）

4, 水上活動中心艇隻

查詢及詳情：

網址：www.lcsd.gov.hk/tc/sfad

電話：2414 5555