全城倒數 Halloween 「萬聖遊樂場」進擊旺角雅蘭 @ MISS SUNNY

Oct 5 2016

(Presented by Grand Plaza)

Halloween 年年有，但MISS SUNNY喺香港早已經玩過哂所有扮鬼、捉鬼、嚇鬼、俾鬼嚇，甚至食鬼等活動。到底今年南瓜節仲可以有咩新鮮玩法呢？諗到頭痕，唯有行街減壓，順便周圍睇吓近日各大商場有咩搞鬼新作，終於俾我喺旺角搵到~~ Grand Plaza(雅蘭中心)已經搭好咗應節主題佈置，仲有部遊戲機俾人夾禮物，於是即刻打俾公關朋友約試玩新機！

Smart Phone捉禮物精靈

用智能手機捉精靈？咩精靈？咪禮物小精靈囉！試玩當日我哋一行幾人，先用手機掃描QR code，就可以開始玩Halloween Crazy Hunt遊戲，以手機現場控制屏幕上嘅骷髏骨夾，喺限時內夾中心水禮物就即刻送俾你。聽講商場準備咗逾2,500份禮物，包括名牌太陽眼鏡、Grand Plaza(雅蘭中心)商戶餐飲禮券，同埋最吸引嘅大獎：即影即有相機！所以大家都Power up上身，夾到又跳又叫。

兩大呃Like萬聖節遊樂場景

之後可以走到旁邊兩個「萬聖節遊樂場」主題設計場景前，影相Selfie再到share上社交媒體呃Like。試玩當日目測拍照人流裡面，男生就鐘意企喺摩天輪南瓜燈場景前面，貪個深宵夜燈場景夠哂feel喎;而女生就梗係揀旋轉木馬場景前影相Selfie啦，點解？有女生可以抗拒到旋轉木馬嘅魔力咩？

鬼咁好飲本地手工啤酒節

小朋友過萬聖節要食糖、扮鬼、玩南瓜，大朋友就一於飲啤酒、食小吃、嚇吓人咁啦。正所謂Work Hard Play Hard，玩都要玩得認真，全套猛鬼妝扮上陣先收貨啦！今年Gala Place(家樂坊)聯同藝人Master Joe主理的本地美食品牌SuperStar，合辦CraftBeerFest Gala Place手工啤酒節，實行將V嘩鬼叫嘅狂歡Party搬到旺角鬧市，現場會提供多達20款本地及外國手工啤酒及小食，梗有一款啱你口味。

你的名字專屬本地啤酒標

假如你係本地手工啤酒控，就要mark實今次全港獨家發售200支「麥子」荔枝味手工啤，以及全港首批500支「黑鳶」薑味手工啤。只要消費滿HK$800，就可以換領指定口味手工啤酒一支，仲可以即場製作印有自己大名嘅酒標label，不過名額有限，先到先得，換完即止。想擁有一枝專屬自己嘅手工啤酒，就要快啲向「萬聖節遊樂場」同CraftBeerFest@Gala Place進擊啦~~ 由10月4日開始，只要上「雅蘭中心」Facebook專頁（https://www.facebook.com/grandplazahk/videos/569857893205549/），仲可以即時玩遊戲，有機會免費獲贈印有自己名字專屬手工啤酒一枝添～

約定你! 10月29日萬聖節狂歡派對

嚟緊10月29日（星期六）晚上萬聖節前夕，CraftBeerFest Gala Place仲會有狂歡派對，一眾嘩鬼夜遊旺角鬧市大派歡樂糖果，仲請到星級化妝師Jonathan Li及旗下MOD專業化妝學府團隊，免費同大家打造最驚嚇嘅萬聖節主題妝容，齊齊玩轉Halloween。

萬聖遊樂場

日期：由即日起至10月31日

地點：Grand Plaza(雅蘭中心)、Gala Place(家樂坊)及Hollywood Plaza(荷李活商業中心)

參加辦法：顧客於上述三個商場以電子貨幣消費滿指定金額:

1)消費滿HK$400，可於Grand Plaza(雅蘭中心)參加Halloween Crazy Hunt互動遊戲，夾走心愛禮物。

2)消費滿HK$800，可換領指定口味手工啤酒一支，並於CraftBeerFest Gala Place即場製作印有自己名字的酒標。

萬聖節狂歡派對

日期：10月29日晚上6:30-9:30pm

參加辦法：顧客於CraftBeerFest Gala Place 作任何消費，可免費由星級化妝師Jonathan Li 及旗下MOD 專業化妝學府團隊即場打造萬聖節主題妝扮。

活動詳情：