九龍灣商場陪你「紅」住過豬年 回味港式情懷度新春

要「紅」住過新年先夠喜慶，趁住新春期間，記得嚟九龍灣德福廣場過豬年呀，今次德福廣場以港式情懷為主題並注入豬年喜慶元素，實行同你回味港式情懷度新春！快啲睇吓有咩精彩位！

打卡必到：300 隻紅膠豬仔打卡牆 60 米賀年大紅燈海

呢個打卡牆係由300 隻經典紅膠豬仔錢罌打造出嚟，每一隻都係由師傅人手畫上五官同身上花紋，隻隻都係獨一無二㗎！

有別於一般嘅大紅燈籠，今次德福用上600 盞傳統雞蛋燈打造嘅大紅燈海，足足60米長，紅噹噹夠晒喜慶！

商場2期仲有十隻全新懷舊造型嘅豬仔錢罌裝置，疊起成3米高，一家大細去打卡影相都好溫馨呀！

文青啱晒：懷舊信箱及郵筒拍照區

除咗豬仔打卡牆，千祈唔可以錯過文青必到嘅懷舊信箱及郵筒拍照區、「豬籠入水」趣拍區，仲有多個特色懷舊打卡熱點同互動區，影相都有排影！

新春市集：多款特色懷舊小檔

影相影到累仲可以食吓嘢，今次德福新春市集有14個賀年攤檔同特色懷舊小檔，有好多懷舊小食如老婆餅、雞仔餅、煎堆仔等等，仲有多款賀年禮盒選購方便大家辦年貨！

懷舊新春展︰70年代經典家品 + 原版豬仔錢罌

商場2期仲有個懷舊新春展，展出多款70年代嘅流行家品︰膠揮春、膠全盒、太空喼等等，仲有珍藏嘅原版豬仔錢罌。

德福廣場「至『紅』港式情懷」新春裝置

日期：即日起至 2 月 19 日（星期二）

時間：早上 11 時至晚上 9 時

地點：港鐵九龍灣站德福廣場