【I Go To Work By】 九巴優惠機 一嘟即減車費$1！ 打工仔：「好過冇啦」
撰文：Keith | 拍攝：Keith、港鐵
暫時全港得1部 「1蚊機」一拍即減
這部九巴「1蚊機」上星期無聲無息地推出，記者也是在巴士迷群組內才得知，原來設於離奧運站5分鐘路程的新九龍廣場。商場相當「隱世」，區外人應該不知，而「1蚊機」在商場1樓。外表和港鐵「$2機」冇太大分別，不過唯獨是廣告太多，很難察覺是九巴的優惠機。有打工仔更表示：「太多廣告，我仲以為是水牌。」不過其用法簡單直接，只要拍一拍八達通即可。即日之後所乘搭的首程獨營巴士車程，車費即減1蚊。不過要注意，只適用於成人、學生及小童，本身已有長者優惠的老人家們就未能受惠了。
可與95折同用 原價$5.8變$4.5
減$1看似可有可無「跌都跌咗」，但配合埋5月-6月的全線九巴95折優惠，車費都減得不少。像記者乘搭的這程巴士，原價是$5.8，在95折計劃下減至$5.5，只有$0.3的優惠。不過用了這部「$1優惠機」，車費可再低至$4.5，共減少了$1.3。如果日日搭，月慳$20不是夢。
打工仔：「好過冇囉！」
不過有附近的打工仔就認為：「好過冇囉！有點小恩小惠。」記者中午時分在「1蚊機」外守候，發覺10人中只有3個人會拍優惠。原來是因為優惠機指示不明顯，「廣告太多，以為是水牌」，而大多數打工仔更表示：「我都係剛剛才知道。」雖然他們都有拍卡攞優惠，但就嫌$1太少。「好似有點小恩小惠囉！如果像港鐵優惠機咁減$2就最好。」也有人反映設置地點相當不就腳，希望日後會增加擺放點。
九巴表示，這次是廣場與他們合作的短期巿場推廣活動。但未有表示將來會否繼續及增設地點，所以暫是只有奧運站附近的打工仔能受惠了。
優惠站位置：新九龍廣場1樓(顯示地圖)
港鐵新增3部優惠機 全港36部
打工仔想慳錢，港鐵$2優惠站都幫到你。最近就新增了何文田邨、愛民邨及黃竹坑3個新地點，分別位於何文田廣場1樓、愛民廣場1樓及深灣辦公室大樓地下。港鐵公司表示：「希望透過增設3個特惠站，鼓勵更多市民使用鐵路服務往來何文田及黃竹坑一帶。」現在港鐵優惠站有36個，雖然地點都不算就腳，但都希望九巴學學港鐵，可以繼續擴充其「$1機」，回饋小市民！
