【呢個香港人】醞釀16年 上環封路 畀你玩 規劃師談理想步行城市

text : 寶　photo : Tommy、Wing、受訪者提供

車讓路了，人走進來，就有無限可能。活動名稱叫「非常（）德」，括號內任你發揮——「唱德」、「跳德」、「踢德」、「歎德」，空間開放，你想點都得！當日的活動、攤檔都是提早招募的，有街頭音樂表演、年輕人跳K-Pop、親子遊戲、草地電影會，甚至推廣本土文化、環保意識、關懷弱勢的工作坊及展覽等。註冊規劃師、策劃成員之一Benson，亦在電車路旁的人工草地度過周日，他說，玩之外，最重要讓大家重新認識道路使用權；人走到街上，就可以參與，不只擦身而過。

潘富傑Benson
職業：註冊規劃師

「香港過去嘅城市規劃都以車為主導，係好方便嘅，
但城市嘅spirit係人發出嚟，唔係車，
規劃應該以人為本，先可以令城市變得舒服。」

封200米只是開始 目標是整條1.4公里

要重奪公共空間，為何偏偏要選交通繁忙，看似難以實行的 德輔道中 ？這要追溯到2000年， Benson的老闆的一段經歷：有天，竹棚突然倒塌，堵了整條德輔道中，街上沒有車，原來是煥然一新好氣象。老闆認為道路本應這樣——少車、行人暢通無阻、空氣清新，行人才可享受周遭環境，便向政府提出建議，改為行人及電車專用區。

及後因政策改動，計劃擱置了。直至2013，老闆重啟計劃，一向熱衷社區活動的Benson主動請纓加入。這計劃不是公司生意，他都是用午膳及公餘時間做研究、寫報告，「城市規劃係設計畀人，所以一定要落區溝通，社區project讓我了解用家需要啲咩」，他說不介意當義工，「作為規劃師，要為城市做啲嘢」。

計劃有很多民間組織一同參與，將概念滲透社區，引起公眾關注及爭取支持，而Benson的工作主要面向政府，周旋於會議、討論之中。實行沒有先例的大改動，闖關不易，縱然已準備全面的資料數據與分析，證明封閉德輔道中無阻交通，亦難以說服政府。Benson坦言，面對「企硬」的高官們，感到很激氣，亦很灰心；但計劃凝聚了社會一班有心人，不少更是無償付出，「見到佢哋咁積極，好深刻，我都唔敢怠慢！冇呢個團隊，成唔到事！」最終試行計劃讓步，由1.4公里變成200米，得以成功舉行，「200米得，咁推廣至整條嘅機會就大大提升，一步步嚟！」

推廣步行城市 高質貼地行街

雖然離目標還有一段距離，但Benson認為以公眾參與城市規劃的層面來看，這次是很重要的里程碑。「第一次由民間主動向政府提建議，由下而上推動政策，係一個突破！而且唔只係一份proposal，仲可以試行，睇到民眾嘅反應！」

若然計劃最終能夠成功，香港就能向walkable city「可步行城市」邁進一步：Walkability，「可步行性」，是量度一個地方適宜步行的指標，道路不只要「行得」，步行環境亦有所要求，這已是全球關注的議題，英國、法國等地亦有相類似的行人專用區計劃，「這是大勢所趨，注重行人設施，各地都做緊」。

Benson說，香港過往的城市規劃，一直以經濟、交通為主導，忽略了人的重要性，行人佔用的空間很小、很擁擠，「係好方便、高效能，城市都需要嘅，但唔可以只強調呢方面」。道路讓給車行，人被搬高上天橋，點對點的「安全」通道，Benson說，現今已經「落後、唔work」，「我哋鍾意行橫街窄巷、小店，因為空間符合human scale（人的比例），同老闆傾偈好自然；相比商場，地方太空曠，好悶，售貨員著住制服，令人唔自在。」城市不應只為發展旅遊業而規劃，「我想為本地人設計」。

他說，香港需要多一點讓本地人使用的公共空間，道路是其中之一項，「一個令人舒服嘅城市，講求優質嘅步行環境，大家行路時，應該感受到啲嘢。」那些感受，來自街道上不同人物角色——老闆、顧客、賣藝者、閒聊的人，相互交織而成的人氣，但前提是，我們先要有集氣的地方。

Info
「非常（）德」由民間組織行德（前德輔道中聯盟）、健康空氣行動、拓展公共空間、非常香港一同籌辦，目的讓市民重新認識馬路使用權，衝破既定的城市界限。組織不定期舉辦活動，更多詳情可瀏覽FB：行德 Walk DVRC。