【八達通 x iPhone增值教學】Apple Wallet +八達通App 隨時增值話咁易！
八達通App 支援經轉數快由銀行戶口即時增值
爭分奪秒嘅大家，等緊巴士期間醒起未增值八達通，來來回回排隊增值，分分鐘錯過幾班車！iPhone用家可以遠離排隊一族啦，只要下載八達通App就可以即時查看餘額同消費紀錄，同時透過銀行戶口（已於八達通App設立「轉數快」銀行轉賬服務）為八達通增值，或者利用Apple Pay嘅信用卡或扣賬卡增值又得，隨時隨地輕鬆增值，自己時間自己掌握！
八達通App 增值方法：備有Apple Pay、O! ePay或銀行轉數快選項
| 步驟1:
開啟八達通App，點選「Apple Pay」標誌進入八達通頁面並點選增值 |
步驟2: 輸入增值金額，然後選擇以Apple Pay、 O! ePay或銀行轉數快增值
|
| 步驟3:
確認使用銀行轉數快方式增值 |
步驟4:
確認增值金額 |
步驟5:
成功增值並顯示餘額 |
小貼士1：
下載八達通App 後，記得先登記八達通卡才可於八達通App 增值及使用其他網上服務啊！
小貼士2:
喺八達通App 既可查閱消費紀錄，隨時check住餘額就唔怕遇上餘額不足情況，去shopping就萬無一失啦！
Apple Wallet 輕鬆增值3部曲
出街用八達通去自助購物付款就最方便！將八達通加入Apple Wallet後，唔需要開啟任何應用程式更唔駛著mon，只需將iPhone頂部輕輕接觸八達通讀寫器就完成消費交易！無論去Food Court定超市自助付款，抑或汽水機購買飲品，簡單「嘟」一「嘟」就完成！之但係排隊到自助付款時，先發覺餘額不足點算好？利用Apple Wallet即時增值就唔使怕尷尬啦～！輕鬆3個步驟就即時完成增值啦！
| 步驟1:
開啟「銀包」app，點選八達通卡並點選增值 |
步驟2:
輸入增值金額 |
步驟3: 以Apple Pay的信用卡或扣賬卡支付增值金額，並以Face ID或Touch ID確認便完成 |
