拆解隱形牙箍3大誤解！體驗館展示「自信笑容」的秘密@Miss Sunny

想箍牙唔一定要做「鋼牙妹」嘅！其實隱形牙箍都一樣可以令你展現出自信笑容。最近隱適美（Invisalign）就開咗全亞洲首間體驗館，唔止睇到各種牙箍嘅例子，仲有專人解答療程上嘅疑問。我 Miss Sunny 就去咗了解，仲解開咗對隱形牙箍嘅 3大謬誤𠻹！

隱形牙箍 VS 傳統牙箍 3大謬誤

天生啲牙唔齊，搞到笑到唔敢露齒，後天去箍牙又怕要經過漫長嘅「鋼牙妹」歲月。考慮用隱形牙箍，又擔心效果冇傳統箍咁理想？原來都只係一路以嚟嘅誤解！

謬誤 1) 大力先移動到牙齒排列？

唔少人都直覺覺得鋼箍力會比較大，先可以令牙齒做到複雜嘅移動，但經過醫生專業講解，先發現原來要移動牙齒，重點係對準力點，並施加持續嘅力量，所以隱形牙箍都一樣可以移動牙齒，改善爆牙、完全重疊門牙、哨牙及倒及牙等複雜個案。姐係話出嚟效果如何，並唔係因為隱形牙箍同傳統牙箍嘅分別，更大機會係受牙醫嘅經驗而影響。

謬誤 2) 隱形等於療程時間長？

唔好以為隱形牙箍唔明顯，所需嘅療程時間就會比傳統箍牙耐，事實上療程所需嘅時間取決於要複雜程度，要移動嘅單位愈多，所需時間自然比較耐。相反，隱適美擁有專利電腦計算軟件，可以被牙醫更簡單預計移動過程，從而設計更簡單嘅移動路線，減少要剝牙嘅機會，因此有些個案，用隱形牙箍甚至比傳統牙箍快！一般隱適美療程都只係約12至18個月就完成。

謬誤 3) 新技術一定較貴？

至於價錢，新技術亦唔一定特別貴，依然都係要睇療程嘅複雜性、牙醫地區同經驗。如果移動點多，或者需要做比較大幅度嘅移動，需要時間自然比較長，費用當然會比較貴，但一般對隱形牙箍有經驗嘅牙醫定價都喺合理範圍內，甚至可能同傳統牙箍價錢一樣𠻹！

體驗館專人解答疑難

講咗咁多隱形牙箍嘅好處，相信唔少人同我 Miss Sunny 一樣心思思想去做。 不如先去隱適美嘅全亞洲首間體驗館睇睇，用互動嘅方法深入了解療程，幫呢個改變一生嘅決定打支強心針！

體驗館分為三個專區，一行入去就會經過 Smile View 展區，有儀器分析每個人嘅牙齒形狀大細，模擬自己完成隱適美療程之後嘅笑容。睇到個樣即刻靚哂，自然更有信心！

第二個展區係 Aligner Bar，呢度放咗好多常見嘅真實個案，呈現從第一日開始使用隱形牙箍到完成療程嘅過程。職員仲 show 俾我睇牙箍對自己嘅變化，點樣逐少改變牙齒排列同預計埋大概所需嘅時間，效果一目了然！

呢度仲有部叫 iTero 嘅儀器，愈嚟愈多牙醫做隱適美療程都會用呢部儀器去攞牙模，比以前更加舒適準確，仲可以即時模擬到牙齒係療程前後嘅變化，清䀿易明！

了解完整個療程之後，如果對隱適美療程有興趣就可以到另一個專區預約牙醫。如果係打俾牙醫嘅時候有任何問題，職員都可以為你提供到專業意見。係呢度完成體驗之後，仲可以獲得隱適美療程現金券$1000，送完即止，手快有，手慢無㗎！

隱適美體驗館

地址：香港 銅鑼灣怡和街18號 地下(地鐵站F出口)

營業時間：星期一至 星期四 早上11時至晚上8時, 星期五至星期日 早上11時至晚上9時

查詢電話：3101 0133