愉景灣酒店｜180度海景食聖誕自助餐、住宿優惠、親子活動！ @Dining娜
（Presented by Auberge Discovery Bay）
聖誕自助餐食勻全世界
配合今年聖誕節，Café bord de Mer & Lounge特別推出佳節自助餐，鍾意食海鮮要留意，因為有波士頓龍蝦、鱈場蟹腳和北海道帶子等。另外仲有秘製蒜香西冷、香煎法式胡椒牛柳、羊架伴普羅旺斯雜菜配露絲瑪利汁、焗三文魚柳釀蟹肉慕絲酥皮卷等。當然唔少得聖誕主角烤火雞同埋見到都開心嘅聖誕節甜品啦！
同場加映：180度海景食五道菜聖誕晚餐
如果想靜靜地同摯愛食燭光晚餐，The Bounty Entertainment & Sports Bar會喺平安夜同埋聖誕夜推出5道菜聖誕晚餐，除了前菜香煎黃金吞拿魚、甘栗南瓜黑松露忌廉湯、檸檬柑橘雪葩，主菜三選一包括：燒釀火雞卷伴椰菜仔及蜜餞栗子配火雞汁、三重芝士焗波士頓龍蝦米配加菲蟹肉千層麵、或慢煮牛仔膝伴南瓜蓉及意式雜菜配砵酒汁，仲有甜品聖誕香脆榛子紅桑子蛋糕。一邊欣賞現場樂隊演出，一邊品嘗滋味美食，好浪漫呀！
愉景灣酒店住宿優惠
今年聖誕假期想同一家大細或另一半留港消費，呢個聖誕美食住宿優惠就啱晒，聖誕美食住宿優惠由HK$2,588起，優惠包括二人入住山景客房一晚並享用自助早餐以及佳節自助晚餐；浪漫聖誕住宿優惠由HK$2,888起，優惠包括二人入住山景客房一晚並享用自助早餐以及5道菜聖誕晚餐。只需另加HK$310起，仲可帶同一位小童（3-11歲）共同享用優惠，小朋友仲可以參與酒店活動中心嘅聖誕節活動，包括可以參加手作工作坊同埋有專人幫你畫花臉，係特定時段更可大玩近期最hit嘅switch，小朋友就最開心！
坐聖誕歐陸古典馬車
由12月24日至26日參加酒店觀光馬車暢遊，仲可親身坐上充滿聖誕裝飾嘅歐陸古典馬車，暢遊洋溢歐陸風情嘅愉景灣北部。聖誕主題馬車更會喺聖誕節當日早上11時至中午12時停泊喺海濱白教堂前，可以盡情同佢影相同selfie！
冬日水療呵護
由即日起至2018年2月28日酒店入面嘅Spa Botanica推出有機蠟燭全身按摩同埋溫感貝殼有機精油按摩，令你身心舒緩。每項75分鐘的溫暖按摩療程只需$990*。同時推出佳節香薰禮物籃，每套優惠價$779，内附有機沐浴露、香薰吊飾套裝和香薰潤膚乳液，自用或用嚟做聖誕禮物送畀摯愛親朋都適合！
