北區人喜訊！聯和墟新戲院｜粉嶺MCL 長者早場$25＋免費送戲飛

Jan 20 2017

北區人終於等到！由明天起，粉嶺MCL 正式在當區插旗，是繼粉嶺嘉禾後，近幾年來北區第2間戲院。北區人捱了數年遊車河跨區睇戲，終於可在自己地頭消閒。粉嶺MCL 新戲院位於粉嶺聯和墟附近的逸峰廣場，地點都算「就腳」，老友記更有早場優惠，$25就可入場，好過日日睇大媽舞啦！

撰文：Keith｜拍攝：Scott

粉嶺MCL 北區近年第2間戲院

假日看套電影輕鬆下，相當普通。但對三十萬北區居民來說，卻難過登天。皆因北區近六，七年都沒有戲院，雖然嘉禾上年登陸，但只有兩個院，難以應付需求。很多居民要睇戲，仍要翻山越嶺般跨區，到最近的沙田市中心。有北區的居民表示「要睇戲會搭火車落沙田或旺東」，亦有人會搭巴士出觀塘、九龍灣，一來一回費時又昂貴。幸好由明天開始，北區居民就可在粉嶺聯和墟的MCL睇戲了。

影院細細但夠高質

新戲院設在聯和墟的逸峰廣場，與港鐵站有一段距離，但地鐵站有車可到，約六分鐘車程。。但因在聯和墟，交通尚算方便。影院分三個院，合計285個座位。以較新的無機房影院及Stadium seating座位設計，很有空間感。現場有兩部自助售票機，趕買飛的話不用排餐死，十分方便。大家更可先用手機App買飛，入場前再「嘟一嘟」QR Code即可。而戲院亦用了杜比7.1音響，因影院不算大，聲效不俗。