何詩蓓巴黎奧運100米/200米自由泳均奪銅牌！附賽後受訪詳情
廣告
2024年巴黎奧運游泳賽事中，何詩蓓獲得共5個奧運項目入場券，而最終何詩蓓將出戰女子100自由泳及女子200米自由泳，她在東京奧運這2個項目都奪得銀牌。何詩蓓於今屆女子100自由泳及女子200米自由泳，均摘下銅牌，今何詩蓓成為香港擁有最多奧運獎牌運動員！
何詩蓓巴黎奧運100米/200米自由泳均奪銅牌！附賽後受訪詳情
何詩蓓於2024巴黎奧運，將出戰女子100自由泳及女子200米自由泳，共2個項目。何詩蓓先於巴黎時間7月28日（星期日）出戰女子200米自由泳預賽，並成功打入決賽，於巴黎時間7月29日（星期一）舉行，最後摘下銅牌；並於7月30日（星期二）出戰女子100米自由泳預賽，成功打入決賽，於巴黎時間7月31日（星期三）舉行，亦成功摘下銅牌。
何詩蓓賽後受訪詳情
「今次花咗好多好多功夫，我知道為咗呢個比賽，過去呢幾年係比準備東京奧運時更多，包括訓練時間鐘數、游嘅距離都係更加多嘅。尤其係當你愈嚟愈努力，但身體嘅回復力愈嚟愈差嘅。除咗身體愈嚟愈差時，仲要訓練Volume愈嚟愈多時，係真係唔容易嘅。但係我好享受訓練、游水比賽嘅經驗，所以辛苦我都覺得好值得。
我會同自己講：多謝自己一路相信自己，Believe in yourself。今屆比上一屆老咗三年，對自己嘅肯定都多咗，信心多咗。除咗可能係因為自己成長咗，都多謝我身邊好多人去幫我，令我有今日嘅成就。佢哋不斷提醒我嘅實力，令我更加可以一路進步落去。
多謝大家咁早起身睇我哋比賽，成個奧運係咁長、咁多人比賽，大家都要捱夜係唔容易嘅。多謝你哋嘅支持，對於我哋嚟講係好meaningful。睇緊電視嘅小朋友都要加油，成個journey雖然唔容易，但如果你哋有個夢想，就一直追落去啦。」
延伸閱讀：
圖片來源：Instagram@siobhanhaughey01
