【日本300円店】3COINS、CouCou激可愛沙灘用品率先睇！
廣告
【日本300円店】夏天來了！又到了去沙灘玩水的季節！近年3COINS的沙灘用品大受日本女生歡迎，因為設計可愛、顏色又sharp、價錢又平，拎去沙灘用，保證吸引到全場人的目光！雖然要5月先推出，但大家快啲mark定想要咩，叫去開日本的朋友幫手買，部分搶手貨好快賣斷市㗎！
龜殻背囊水槍超可愛，怕羞的話可以選擇水族館或動物園圖案，每個500円。
「打卡」系列（5月2日起發售）
菠蘿、紅鶴、仙人掌的燈，除了可以放在家中當擺設之外，拎去沙灘都適合，黃昏時亮起，又可愛又浪漫。
電燈泡水樽，最好用來放果汁！
菠蘿玻璃杯，有3種色，跟friend子一人一個，不怕飲錯！
「Smile」系列（5月15日起發售）
黃色的哈哈笑面sharp到爆，未落水玩都覺得開心！
黃色的水泡非常矚目，就算游到好遠都見到！
想拍泳裝照打卡呃like的話，這條圓形的黃色沙灘巾是必買之選！
用了這個有蓋的杯，就不會擔心飲品入沙。
同樣搶眼的沙灘袋。
「Tropical」系列（5月29日起發售）
唔使講，顏色贏晒！西瓜、菠蘿拖鞋絕對是入手的首選！
最恨要這個西瓜游床，住resort pool villa的話，最啱喺泳池打卡！
雜果水泡一樣搶鏡，而且比較實用！
小朋友專用的水泡，有紅鶴及獨角獸兩款。
「雨具」系列（5月29日起發售）
除了沙灘用品外，5月更會推出夏天必備的雨具。
天文台話今年多台風，即係雨水都多啦，都係買定雨褸好！
大雨的話，絕對要幫背囊著雨褸！
這是縮骨遮的吸水毛巾套，不用怕弄濕個袋！
CouCou・主打實用沙灘用品
另一間300円店CouCou，同樣準備推出各種沙灘用品，不過卻以實用為主，將於5月第一個星期起發售！
可愛到暈的防水電話套，共有5款。
沙灘拖
沙灘袋
