1品便利 | 日本聖誕 冧女 平食$22↓限定甜品
廣告
12月走在日本街頭，四周圍都充滿聖誕氣氛。賞靚靚燈飾之餘，當然要帶埋女朋友食節日限定的甜品應吓節啦！男士們咪以為「限定」就要荷包大出血，其實在日本不少連鎖便利店都有推出 日本聖誕 主題的甜品，又平又抵食！
text:yuki@港女講旅行 photo:him
必試7仔聖誕老人冬甩
今年話題度最高的，當然要數7仔一系列甜品，當中聖誕老人忌廉冬甩率先推出，單係可愛造型已經攞晒分，包保女友實收貨。以為造型得意就唔慌好味？日本便利店推出的甜品質素一向有保證，咬開冬甩更有滿滿的鮮忌廉，不會太甜太膩，味道好驚喜。
聖誕系列甜品在全國7仔有售，隨時買畀驚喜都得！
便利店選擇多！仲有小鹿和雪人
7仔同系列中還有馴鹿朱古力慕絲和雪人香橙芝士慕絲等等，賣相同樣討好，最適合大頭蝦的男士，臨時臨急要為女友製造驚喜。加上日本網民一致激讚這個聖誕系列好味，而且件件價錢不超過$22。港男終於可以豪氣一次，叫女友任揀任食！
見到小鹿咁可愛，食之前當然要相機食先啦！
香橙和芝士出奇地夾，酸酸甜味入口清新，食完一個都唔會滯。
「外型超級得意，影相呃like一流！而且超好味，食落成口都係cream，好滿足！」
