【大阪東京新店】期間限定！龍珠Cafe登陸梅田、原宿 | 一次過食晒7粒龍珠落肚！

Dec 1 2017

【期間限定龍珠Cafe】Fans要留意！為了跟大家分享《龍珠》的「世界美食品觀」，第一間龍珠Cafe兼中菜館「Dragon Ball Cafe & Diner」將於12月8日正式登陸大阪梅田！買了機票去東京的fans都不用傷心，因為東京都會有分店，不過卻遲少少，將於2018年1月15日開業！另外，KiddyLand梅田店、原宿店及吉祥寺店同時都會設有臨時專櫃，出售各式各樣的《龍珠》精品快啲睇下有咩食有咩買先！

撰文：主場・日本圖片：Dargon Ball Cafe & Diner

高級中華料理餐廳主理

香港人可能最擔心食物唔好味，但這次可以放心，因為負責的餐廳是位於大阪梅田的高級中國料理「桃谷樓」，TripAdvisor評分足足有4.5分，而且以不使用化學調味料為賣點，加上今次《龍珠》主題食物賣相別緻，絕對食得開心又放心呀！不過，大會都估計有好多人幫襯，提醒大家，記得早啲去攞「整理券」，每朝9-10am於Hilton Plaza West 1F（餐廳則位於5F）派發！