點先拍到 富士山全景 呃like相？4個Q&A！
撰文：ONKI | 圖片：網上圖片
富士山全景 呃like相Q&A
問題一：坐飛機睇 富士山全景 ，要坐左定右？
上ig 入#富士山大把高空航拍靚相，在三萬呎高空影到富士山並不是只單憑好唔好彩，做定資料搜集會大大提高與富士山見面的機會，那麼，坐在飛機的哪邊才可看到富士山呢？從東京出發的航班，飛行路線除了在富士山的左、右兩邊外， 更有直接從富士山上空飛過，要睇富士山就要揀對路線。
國內航線：網上有得Check！
以日本航空為例，由羽田機場出發的國內航班，只有往西面飛的6條航線是會經過富士山的左右兩邊，當中Y884、Y18、Y20及Y28路線（如名古屋•高松•松山•九州福岡、九州大分）要挑左面窗口位，而Y56及Y58路線（如関西空港•高知•宮崎•鹿兒島）就要挑右面窗口位，坐啱位，起飛後10-15分鐘就可以影到俯瞰富士山照，ANA及日航都有在網站上列出哪幾條國內航線睇得到。
國外航線
航空公司並無就國外航線提供座位貼士，不過據一眾網民的經驗，無論你是從羽田出發又好成田起飛也好，一定要揀右邊的窗口位置，記得最好坐機頭或機尾位置，若果坐中間，機翼完全會阻礙取景的角度。
ANA：http://goo.gl/qXXM0W；JAL：www.jal.co.jp/en/dom/mt_fuji
問題二：高空睇富士山，事前有無得問定？
個人經驗，羽田飛好多時都睇到，有時會check in 先問地勤，大多會提議坐右邊，上機千祈唔好塞耳仔，起飛前試過有機師會開咪提醒大家留意右定左，若咁啱坐錯位，架機又有空位，就可以調位。有些機師更會在富士山出現的瞬間，即刻開咪提大家睇。
問題三：幾時，先影到最靚的富士山？
要影靚相有賴天時地利，有人以為富士山山頂積雪，那是錯的! 要拍有雪冠的富士山只限於10月尾至6月初冬令期間，而冬天也因為相對濕度低，能見度高，視野更為清晰，影到靚相機會大大增加。記住富士山早上較少雲霧，打算坐飛機睇，起飛時間愈早愈好，夜機去到都入黑，睇到都影唔到喇。
問題四：富士山打龍，去靜岡好定係去梨山好？
如果打算6、7月去的話，山梨那邊的大石公園、花の都公園及富士五湖一帶更可賞花，打龍一流。
