【驚安之殿堂酒店】2022年涉谷開業！超方便 MEGA驚安本店就喺對面｜18層酒店+3層店舖
廣告
【驚安之殿堂酒店】東京涉谷係購物熱點，店舖收得夜，交通又方便，係好好嘅「血拼之選」，淨係MEGA驚安之殿堂涉谷本店已經夠行半日啦！買到一袋二袋，回程返酒店時，真係行一步都嫌多！咁就要講個好消息你知！驚安要喺涉谷開酒店喇！
撰文：Keii｜圖片來源：株式会社ドンキホーテホールディングス
驚安之殿堂酒店 2022年進駐涉谷！
近年涉谷站周邊進行緊大型開發工程，預計會有唔少新大樓落成，涉谷即將迎來轉換期。為咗活性化成個涉谷，唔止車站周邊要翻新，涉谷邊緣部嘅開發亦非常重要。驚安之殿堂集團便決定進行大型開發！喺涉谷開設店舖+辦公室+酒店嘅新高樓大廈。
建築物概要
大樓最高120m，地面建28層，地底1層，主要用作商舖、辦公室、酒店、停車場、停單車場。其中，1-3樓為商舖，4-10樓為辦公室，最後11-28樓為酒店。目前雖未公布1-3樓會係咩商舖，但MEGA驚安都只係喺對面街，掃貨掃到凌晨3點，都唔怕要搭的士返酒店啦！
