杜如風《 關西攻略 》第九、十集食買玩行程全面睇（有Google Map）
《關西攻略》第九集
今集杜如風嚟到嵐山，由京都市過去唔駛半個鐘，同大家大玩人力車之後仲去咗唔少京都名店，之後再去市場，有咩推介呢？
上回重溫：
關西攻略 1. EBIDUYA
京都嵐山嘅總店，可以book人力車坐，仲有哂唔同車夫嘅樣可以睇，可以揀返個啱心水嘅人揀埋地點係邊度接你，就搞掂架啦。觀光有概13分鐘，3000円一個人、4000円2個人，就可以睇哂沿途嘅美景。
EBIDUYA
地址：京都市右京區嵯峨天龍寺芒ノ馬場町3-24（顯示地圖）
電話：075-864-4444
網址：http://ebisuya.com/branch/arashiyama/
關西攻略 2. 鯛匠 HANANA
關西人好鍾意食鯛魚，呢間作為嵐山鯛魚專門店，排哂長龍，唔少人一朝早排哂隊就係為咗等佢十一點開門。裝修、餐具都好靚，唔知係咪真係咁好味呢？
呢間只有兩款套餐選擇：鯛魚西京燒御膳／鯛魚茶漬飯，都係2060円。
鯛魚茶漬飯有4種食法：由簡單直接食到加醬到撈飯到加茶做茶漬飯都無問題。
鯛匠 HANANA
地址：京都市右京區嵯峨天龍寺瀬戸川町26-1（顯示地圖）
電話：075-862-8771
網址：http://hanana-kyoto.com/top.html
關西攻略 3. BLACK PAINT
京都出名嘅除咗鯛魚當然唔少得抹茶，但呢間嘅抹茶就唔食得嘅，係用黎做面油紙、面蜆等等，面油紙仲好似成張紫菜咁嘅樣，有三款揀：備長炭、抹茶同玉露。抹茶迷就唔可以放過啦。
面蜆方面同樣有呢三款，當中抹茶味係最貴，要6000円，因為係”京都限定”呀麻！
BLACK PAINT
地址：京都市右京區嵯峨天龍寺瀬戸川町26-1（顯示地圖）
網址：http://myyuki.com/en/index-en.html
關西攻略 4. 錦市場
錦市場有四百幾年嘅歷史，就算去旅行都要行市場呀！可以搵到唔同嘅食店，有唔同嘅日本地道食物。
錦市場
地址：京都市中京區錦小路通寺街通．高倉通（顯示地圖）
電話：075-211-3882
網址：http://www.kyoto-nishiki.or.jp
關西攻略 5.桝悟
有唔同醃製品，搵前菜嚟就啱哂，仲可以試食，食完先買都唔遲！
桝悟
地址：京都市中京區錦小路通柳馬場東入ル（顯示地圖）
電話：075-211-5346
網址：http://www.masugo.co.jp/
關西攻略 6. 有次刀
若然對料理、刀有所研究嘅人呢間就真係啱哂，唔少人都特登過嚟買返套啱自己心水嘅刀。刀嘅款式有好多，相當專業，有宰麵刀、切麵刀等，買完仲可以刻上自己嘅名，整返個獨一無二嘅刀。
有次刀
地址：京都市中京區錦小路通御幸町西入ル（顯示地圖）
電話：075-221-1091
關西攻略 7.おちゃのこさいさい
七味粉無理由未聽過啦掛？呢間可以自己調配啱自己嘅調味料，有12種之多，可以慢慢試到啱先買，每次自家配嘅調味粉都係540円。另外，仲有特辣一味粉，540円，比起七味粉嘅辣度高40倍咁多，做手信一流！
おちゃのこさいさい
地址：京都市中京區錦小路通堺町西入ル中魚屋町4972（顯示地圖）
網址：http://www.ochanokosaisai.com/
關西攻略 8. 湯波吉
有冇腐皮嘅FANS？同香港街市買到嘅腐皮好唔同，連個包裝都靚過人，一盒6000円，個木盒仲可以拎返去重用。
湯波吉
地址：京都市中京區錦小路御幸町西入鍜ル治屋町213（顯示地圖）
電話：075-221-1372
網址：http://yubakichi.jp/
關西攻略 9. 9h nine hours
京都可以住邊度？想平住的話呢間膠囊酒店，有大量嘅圖示，就算唔識英文、唔識日文，黎到呢度都唔成問題。男女係分開，顏色清楚指示哂架。床嘅Size都唔細，訓上去都可以轉到身，私隱度都幾高，不過就係無電視睇，因為京都人唔興睇電視啊嘛！
9h nine hours
地址：京都市下京區寺町通四条下ル貞安前之町588（顯示地圖）
電話：075-353-7337
網址：www.ninehours.co.jp/kyoto
《關西攻略》第十集
關西攻略 1. 百萬遍知恩寺手作市集
黎到京都點都要行下市集，百萬遍基本上係去京都嘅人嘅必到點，每個月15號都會有手作市集，好多得意嘅野，飾品、手工藝、食品等都有。
百萬遍知恩寺手作市集
地址：京都市左京區田中門前町知恩寺（顯示地圖）
網址：http://www.tedukuri-ichi.com
關西攻略 2.北野たわらや
呢間係京都有多達400年嘅歷史，主要賣手工麵條，更加特別嘅係呢度有特粗嘅鳥冬，食幾條都飽哂。
北野たわらや
地址：京都市上京區馬喰町918（顯示地圖）
電話：075-463-4974
網址：http://www.geocities.jp/tawaraya_udon/
關西攻略 3.da BOSCO FUNITURE
京都嘅古色古香，特別令人聯想得到大自然嘅感覺。呢間賣唔同嘅木傢具，睇到都想買返啲擺係屋企。
da BOSCO FUNITURE
地址：京都市伏見區横大路西海道4-1（顯示地圖）
電話：075-611-5454
網址：www.dabosco.co.jp
關西攻略 4.肉専科はふう
專賣唔同牛肉產品，黎呢度必試和牛三文治，牛肉份量相當多。
肉専科はふう
地址：京都市中京區麩屋町通夷川上る笹屋町471-1（顯示地圖）
電話：075-257-1581
網址：www.hafuu.com
關西攻略 5. JIDAIYAARASHIYAMA
想了解更多藝伎文化呢間就必到，係呢度可以一嚐做藝伎嘅感覺，更可以係室內攝影，唔怕熱。
JIDAIYAARASHIYAMA
地址：京都市右京區嵯峨天龍寺立石町4-10（顯示地圖）
電話：075-201-7832
網址：http://jidaiya-kyoto.com/ja/
關西攻略 6.伊藤久右衛門
講到買抹茶手信，就一定不得不提呢間，有唔少抹茶嘅零食，抹茶FANS見到簡直心心眼！
伊藤久右衛門
地址：京都府宇治市莵道荒槇19-3（顯示地圖）
電話：077-423-3955
網址：http://www.itohkyuemon.co.jp
