關西交通 攻略 ｜玩轉 JR, ICOCA, HARUKA的慳錢神技 | KLOOK客路
撰文及圖片來源：KLOOK客路
JR 日本鐵路公司
可以想像佢係港鐵，通常可以通往較遠既地區，有分為HARUKA列車、特急、急行、普通列車。喺關西既JR列車可以搭到大阪站（梅田）、新大阪、京都、嵯峨嵐山、奈良、關西機場、和歌山、神戶、姬路，以下係JR推出既票券，要買以下票券都要到JR櫃台購買，記得唔好去觀光案內所買呀！唔好去觀光案內所買呀！唔好去觀光案內所買呀！（重要事情要說三遍）
日版八達通 － ICOCA
好似八達通咁，旅客可以喺ICOCA裡面儲值。ICOCA相當方便，可以喺好多地方既交通工具使用。以下列出ICOCA可使用的工具：
| JR列車 | 所有JR列車 | ||
| 電車 | 京阪電鐵 | 阪急電鐵 | 北大阪急行電鐵 |
| 大阪單軌電車 | 阪神電鐵 | 神戶電鐵 | |
| 京福電鐵（嵐電） | 北神急行電鐵 | 南海電鐵 | |
| 地鐵 | 大阪地鐵 | 京都地鐵 | 神戶地鐵 |
| 巴士 | 大阪市內巴士 | 京都市內巴士 | 奈良市內巴士 |
| 大阪空港巴士（非關西機場） | 神戶市內巴士 | ||
總之懶得做功課又唔太在乎交通預算的人，可以買一張ICOCA，隨便搭車都可以，唔洗買一堆唔同公司唔同地方既周遊券。
機場出市區之選（快版）－ HARUKA列車
專指關西機場到大阪或京都之間既特急列車。其中只會停靠JR天王寺站、新大阪站、京都站。如果要去JR難波、大阪站等乘客，可以搭乘「關空快速列車」或者係搭乘HARUKA列車再轉乘JR線列車。
機場出市區之選（慢版）－ 關空快速列車
從機場到大阪市區，停靠JR天王寺站、難波站、西九条站、大阪站（梅田）、同神戶站。但係呢個列車既速度比HARUKA列車慢，停靠較多站。
上面藍線係HARUKA列車路線，灰色就係關空快速列車既路線喇。
5大優惠套票
01/ 「ICOCA＆HARUKA 優惠套票」
從2016 年 3 月 1 日開始推出了較划算既「ICOCA＆HARUKA 優惠套票」參考網站
| HARUKA＋ICOCA | 單程 (日圓) | 來回(日圓) | ICOCA一張2000日圓。其中500日圓為押金，可以在使用完後退款，1500日圓元為可以使用之金額。 |
| 關西機場->新大阪 | 1300+2000=3300 | 2600+2000=4600 | |
| 關西機場->天王寺 | 1100+2000=3100 | 2200+2000=4200 | |
| 關西機場->京都 | 1600+2000=3600 | 3200+2000=5200 |
關西機場->新大阪：HARUKA 單程原價 2330 日圓
關西機場->天王寺：HARUKA 單程原價 1710 日圓
關西機場->京都：HARUKA 單程原價 2850 日圓
02/ 關西地區鐵路周遊券（Kansai Area Pass）
JR推出既另外一種票券，這是只有針對JR鐵路既優惠券。其中可以無限搭乘HARUKA列車、關空快速列車、或是普通JR列車，在此記得「關西地區鐵路周遊券」只可以搭 JR列車唷，市區內的巴士、地鐵、電車都唔可以搭嫁。
上面為JR列車主要停靠的車站。參考網站
| 關西地區鐵路周遊券 | 上網預定或是旅行社購買 | 現場到JR車站購買 |
| 1日 | 2200日圓 | 2300日圓 |
| 2日 | 4300日圓 | 4500日圓 |
| 3日 | 5300日圓 | 5500日圓 |
| 4日 | 6300日圓 | 6500日圓 |
03/ 關西周遊卡（Kansai Thru Pass）
呢個係日本官方旅遊局推出嘅優惠券，要喺各主要車站嘅觀光案內所購買。所以係唔可以用「關西周遊卡」搭JR列車嫁，只可以搭關西機場、京都、大阪、神戶、比叡山、姬路，和歌山、奈良、高野山嘅電車同巴士。
電車似係香港嘅港鐵，每一站都會停。但日本嘅電車非常厲害，因為電車可以到嘅地點相當遠，幾乎同JR鐵路可以到嘅地方重疊，因此如果係買左「關西周遊卡」，就盡量唔好搭JR鐵路，因為好多重要景點電車都係可以到嘅～
| 關西周遊卡 | 成人 | 兒童 |
| 2日 | 4000日圓 | 2000日圓 |
| 3日 | 5200日圓 | 2600日圓 |
其中「關西周遊卡」提供關西好多景點門票優惠，例如梅田空中庭園展望台、Spa World等票券優惠。參考網站
04/ 大阪周遊卡 (Osaka Amazing Pass)
大阪觀光局推出既優惠券，分為1日同2日券，購買「大阪周遊卡」可以免費搭乘大阪市區內既地鐵、電車、同巴士，就只有JR鐵路唔可以搭乘。最特別既係「大阪周遊卡」可以免費提供景點既入場券，例如梅田空中展望台、道頓崛水上觀光船等熱門景點，可以話係大阪既必買票券。
05/ 歡迎來大阪卡 (Yokoso! Osaka Ticket)
呢個係專為外國旅客設計既票券，只有一日券，而且只能透過網路同旅遊平台購買，喺日本當地買唔到嫁。「歡迎來到大阪卡」可以搭乘大阪市區內既地鐵、電車、同巴士，並且有好多景點既入場券優惠，相當簡潔易明既票券，而且價格都好平，1500日圓。
怕麻煩既旅客，可以在Klook客路網站購買。
咁「關西地區鐵路周遊券」同「ICOCA＋HARUKA優惠套票」有咩分別呢？
「關西地區鐵路周遊券」只可以無限次搭乘JR鐵路（包含HARUKA），但係新幹線、地鐵、巴士都唔可以搭乘。即係話進入市區之後，只可以單次購買電車票或係巴士票。
「ICOCA＋HARUKA優惠套票」由於有HARUKA，可以順利由機場搭到大阪或京都，剩下嘅JR鐵路、地鐵、巴士都需要靠ICOCA，都係以原價計算。
因此可以購買以下方案
可以搭乘HARUKA進入大阪或京都市區，剩低既交通可以透過「關西周遊券」隨意搭乘，如果想去神戶、奈良、京都或姬路，都可以用「關西地區鐵路周遊券」由大阪搭乘JR線，用「關西周遊券」轉乘各地的電車同巴士。景點就可以透過「關西周遊券」取得折價。
2. 只去京都同大阪，但大阪天數多於京都：「關西周遊券」+「大阪周遊卡」
「關西周遊券」可以透過市區電車於大阪、京都市區內移動，都可以順利於大阪與京都間往返，由於「大阪周遊卡」可以免費進入好多大阪人氣景點，對於喜歡逛景點既旅客黎講相當抵玩；而京都方面既景點都需要單獨買票，因此冇任何票券可以適合京都既景點。
3. 只去京都同大阪，但在京都留比較多日：「ICOCA＋HARUKA優惠套票」+「歡迎來大阪卡」
由於京都冇推出景點票券，因此任何景點都需要單獨購買門票。如果喺關西想留耐啲喺京都、大阪只係逛街睇一兩個景點，可以購買「歡迎來大阪卡」，由於價格較平又可以搭乘大阪市區內巴士，因此比較划算。而購買「ICOCA＋HARUKA優惠套票」而非「關西周遊券」係因為如果只留大阪一兩天，購買「關西周遊券」所附上既景點門票其實用唔到，購買「「ICOCA＋HARUKA優惠套票」可以搭乘JR、地鐵、巴士等所有交通工具，方便通勤。
4. 去關西只購物，景點?! 再講啦~：「ICOCA＋HARUKA優惠套票」
由於去比較少去景點，就唔洗購買周遊券等景點優惠票券，一張ICOCA其實就可以喺關西地區暢行無阻喇。
咁整理下就可以比大家一睇就清楚哂關西嘅交通喇！！
