東京迪士尼海洋生日! 5大夢幻節目新安排 |日本|
東京迪士尼海洋嘅慶典將會以「Wish」為主題，屆時樂園將會用大量色彩鮮豔，好似水晶一樣閃閃生輝嘅華麗裝飾去佈置每一個角落，務求令所有人都感受到慶典嘅氣氛，甚至連食物同埋限定商品都會閃閃發光！
5大全新節目
娛樂表演：卡通人物閃亮登場！
喺「閃亮心願之旅」中，一眾卡通人物米奇、米妮、高飛狗以及唐老鴨等將會穿著華麗閃亮服飾，帶領近一百人嘅團隊表演畀大家睇，簡單嚟講即係Bling Bling嘅迪士尼匯演。
- 演出地點：地中海港灣
- 演出時間：約 25 分鐘
- 演出次數：每日 1～3 場
音樂劇場主打：米奇獨奏爵士鼓
音樂劇場「動感大樂團」將首度翻新部分表演內容及演員服裝，仲會為大家帶來於 1920 年代至 1940 年代的搖擺爵士樂。除咗有歌手同踢踏舞者表演，米奇仲會獨奏爵士鼓，連高飛都加入埋，擔任樂團指揮！
- 演出地點：美國海濱「百老匯音樂劇場」
- 演出時間：約 30 分鐘（每日 3～6 場）
- 演出人數：41 人（含樂團成員 13 人）
音樂劇：帶你走入未知世界
新音樂劇「走出闇影森林」預定於 2016 年 7 月 9 日推出，劇情係關於一個叫Mei的小女孩在冒險中逐漸成長的故事，同大家走入未知世界！
- 演出地點：失落河三角洲「飛機庫舞台」
- 演出時間：約 25 分鐘（每日 3～6 場）
- 演出人數：18 人
米奇、米妮新裝上陣 坐彩車巡遊
米奇、米妮等迪士尼人物將以新裝扮，搭乘彩車到美國海濱「紐約區」，但登場人物有可能會隨場次而變更，遇唔遇到自己鍾意嘅卡通人物就要踫吓運氣喇。
- 演出地點：美國海濱「紐約區」
- 演出時間：約 10 分鐘（每日 1～2 場） ※登場的迪士尼明星有可能會隨場次而變更。
必睇水晶造型煙花！
當然唔少得今晚嘅煙花匯演！今次將會有水晶造型嘅煙花睇，但留意返，煙花表演於 2016 年7月8日至8月31日期間暫停演出，鍾意煙花嘅話就記得另擇日子喇！
- 演出地點：園區全域
園區新互動裝置：水晶感應點
米奇與好友將於園區入口處的水之行星旁迎接大家，畀大家可以影相打卡。園內一共有 7 個「水晶感應點」互動裝置，將能夠與特別商品「水晶羅盤」互動，拎住羅盤經過時，羅盤就會發聲同發光！
必掃！限量夢幻商品
樂園推出約 230 款配合主題嘅周邊商品，全部都係限量發售，賣哂就冇，各位 Disney 迷要儲定彈藥去掃貨啦！
T 裇有唔同size，買曬畀一家幾口一齊著都冇問題！
眾所周知女人錢最易賺，周邊商品中有約60幾款係專為女士而設，當中包括Tote Bag、化妝品等等，畀各女士盡情買！
除精品之外，仲有好多零食畀大家選購。全部零食禮盒包裝都好精美，好適合買嚟做手信。
迪士尼人物逐一進駐7大餐廳
園內7間餐廳，將會分別推出各迪士尼人物及其主題色彩的特別餐飲，可以去返指定餐廳搵自己鍾意嘅人物喪影相！
迪士尼人物主題餐廳：
- 波多菲諾咖啡坊：米奇
- 紐約美味房：米妮
- 猶加敦基地營燒烤：布魯托
- 凱茲堡餐飲廣場：唐老鴨
- 火山餐廳：高飛
- 水平線海灣餐廳：Chip ‘n’ Dale
- 賽巴斯丁加力騷廚房：黛絲
迪士尼人物的心願內容＆心願水晶顏色：
東京迪士尼海洋 15 週年
週年慶日期：2016年4月15日 至 2017年3月17日
商品開售及餐飲推出日期：2016年4月11日
網站：http://www.tokyodisneyresort.jp/tc/tds/
延伸閱讀：
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
