【東京築地市場】9月15日最後參觀吞拿魚競標｜10月遷移豐洲、場外商舖留守原址
廣告
【東京築地市場】築地搬遷一事由2016年開始商討，最後決定今年10月就會遷移到江東區嘅豐洲市場。離別在即，唔少觀光客都想把握最後時光前往參觀「築地名物」，吞拿魚拍賣。官方更新咗相關資料，記得mark返低唔好錯過啦！
撰文：Naka｜圖片來源：新傳媒資料室、網絡
東京築地市場9月15日終止參觀拍賣
為咗準備遷往江東區豐洲市場，築地市場宣布，一直極受外國觀光客歡迎嘅吞拿魚拍賣參觀活動，將於9月15日終止。
喺吞拿魚卸貨場內舉行嘅拍賣會參觀，除咗休息日之外，幾乎每日都會舉行。隨住外國觀光客人數增加，於2011年開始，每日限制最早到達嘅頭120人先可以參觀拍賣。
另一方面，吞拿魚卸貨場以外嘅水產・青果仲卸貨場嘅參觀則繼續至9月29日。
築地市場內場將於10月6日結束營業，然後同月11日於豐洲市場開業。場外市場則不受影響，繼續於築地原址營業。但場內市場遷移後，場外市場是否繼續沿用現時名稱就尚是未知之數。
