東京秘店¥750並盛海鮮丼！|東京必食推介|
食店名五輪鮨！其並盛海鮮丼和大盛海鮮丼，價錢分別為750円 (大約HK$47)同860円(大約HK$54)。又平又好食，梗係多人食啦！
佢哋嘅海鮮丼雖然好似細細碗咁，但係啲海鮮會疊到滿一滿，好似一座海鮮山咁！配料有魚生、烤魚、炸物等10多種配料，魚生除左有香港人最愛的三文魚外，更有金槍魚，章魚等等。而少少鹹的烤秋刀魚及炸魚送飯一流。
不過留意返，呢間店每日限定15份，只會係午餐時間供應，真係手快有手慢無呀～
Tips：五輪鮨嘅午餐時間係11點半到3點，如果想食嘅話，一定要早過其他人啦！五輪鮨嘅客人一般11點半左右會到，12點前一定會賣完！要食就真係早啲去排隊啦！
如果唔好彩食唔到限定海鮮丼，都唔緊要，店入面仲有其他海鮮同刺身食嘅。
佢地一人前套餐，每位都係1,180円，質素有保證，因為五輪鮨的海鮮都是採用九州嘅漁獲，每天由九州新鮮直送，確保新鮮！
各位係唔係心動了呢？唔急，睇埋食店介紹影片同店主訪問頂下癮先。
店內餐牌參考如下：
五輪鮨
地址:東京都品川区西五反田2-7-8 誠実ビル8Ｆ（顯示地圖）
電話:+81-(0)3-3495-8392
營業時間:中午時段 : 11:30-15:00(Last Order: 14:00)；晚上時段 : 17:00-00:00 (Last Order: 22:30)
延伸閱讀：
