直擊!! 東京櫻花 最新花開實況
撰文： Zoe Chan 圖片： 美食的俘虜 foodki.ako / (IG) foodki.ako/ weather news / May
東京櫻花 最新花開情況！
雖然今年因為天氣關係導致櫻花遲開，不過從另一方面睇，即直到5月都仲有機會睇到櫻花，3到4月未請假去日本的話，可以考慮一下5月請幾日假去日本，趕上櫻花花期！而剛踏入4月，東京多個地方的櫻花都陸續開花，《新假期》記者就在剛剛幾天前現場直擊，超級靚呀！
目黑川
在東京其中1個非常出名的賞櫻地點 ：目黑川，剛剛4月2日拍攝時，見到河兩岸的櫻花花開指數相當高，隨便用手機影都可以影出好靚的相片。
代代木公園
代代木公園的櫻花在3月尾已經盛開，不少當地人都趁住好天氣到公園野餐賞花，相當浪漫。所以在這幾天，大家都不難會在公園內見到好多當地人，三五成群席地邊賞櫻邊野餐。
若然大家這段時間在東京旅遊，又帶齊攝影裝備的話，真的不要浪費大好機會影靚相。人像鏡、遠攝鏡通通都要帶齊，就可以影靚人、影靚景。
網民捕捉 － 上野恩賜公園
公園有滿滿的櫻花木，目前櫻花陸續花開，預計花滿期會在4月7日。
北の丸公園到處都有正盛開的櫻花，好靚呀！
日本其他地區櫻花花開期預測
由日本的weather news 提供，日本多個地方都在4月頭開花，秋田、札幌等地方會較遲，會在4月中至尾才開花，如果一心要賞花的朋友，可以考慮下札幌等地！
如果大家這段時間是自駕遊，想追櫻的話，其實較北些少的新潐還未開花。至於仙台、福島，現階段仍未適合旅遊，不會推薦給大家吧！
